Umiarsuit takornariartaatit tikittalertut

Umiarsuit takornariartaatit aallarnerlugit ippassaq 'Sea Spirit' Nuummut tikippoq.

Sea Spirit umiarsuit takornariartaatit minnerit ilagaat taanna 120-it missaani ilaasoqarsinnaavoq.

Umiarsuit takornariartaatit Nunatsinnut tikittartut allat AIDAcara aamma Artania 1.200-jut missaani ilaasoqarsinnaapput.

Umiarsuit takornariartaatit 36-it Nuummut tikittussaapput, M/S Ocean Endeavoursilu kingullersaalluni septembarip ulluisa 25-ni tikissaaq.

Qaqortoq umiarsuarnit 31-nit tikinneqassaaq, tassani Viking Sea kingullersaalluni tikissalluni.