Umiarsuit takornariartaatit Europami inerteqqutaalernissaat eqqarsaatersuutigineqartoq
Tuniluuttoqareernerata kingorna umiarsuarmik takornariarnerit nangeqqipput. Europami illoqarfiit arlallit borgmesteriisa takornariaqarpallaarneq akiorniarpaat.
Naak corona sioqqullugu takornariartut amerlanerugaluartut 2021-mi 4,8 millionit nunarsuaq tamakkerlugu umiarsuarmik takornariartaammik angalasimapput. 2019-imi kisitsit 30 millioningajaapput.
Nunat tamalaat naatsorsueqqissaartarfianni statista.com-imi allassimasoq, aviisi Sermitsiaq allappoq.
Coronap kingorna umiarsuarmik takornariartarneq aallarteqqippoq. Ukioq manna ukiunilu tulliuttuni amerlipiloornissaat naatsorsuutigineqarpoq, 2019-imilu aatsaat taama takornariaqartoqartiginera qaangerneqarataannaalluni.
Europami borgmesterit arlallit takornariaqarpallaarneranut akiuiniarput. Illoqarfiit ilaasa umiarsuit takornariartaatit tulassinnaaneri inerteqqutinngortissinnaanera eqqarsaatersuutigaat, imaluunniit umiarsuit takornariartaatit sukannersumik killilersuiffigilerneqarsinnaanerat. Avatangiisinut, inuiaqatigiinnut aningaasaqarnermullu sunniutaat tunngavigineqartoq nutaarsiassaqartitsivik euronews.travel allappoq.
Spaniami Barcelonamut umiarsuit takornariartaatit tikittartut amerliartuinnavinneri pissutigalugu sumiiffimmi politikkerit najugaqartullu Barcelonap nunarsuami umiarsuarmik takornariarfigiuminarnerpaatut nittarsaannera annikillisarpaat.
Aviisimi Sermitsiami atuarnerusinnaavutit. Aviisi uani pissarsiariuk:
