umiarsualivik
Umiarsuarnut takornariartaassuarnut umiarsualivik
Kangerlussuup takornariarfissuanngornissani sorsuutigaa, aamma mittarfissuaqanngikkaluarluni. Nunaqarfiup ataannarnissaa umiarsualivissualiornikkut tunngavilerneqassaaq. Februaari angullugu umiarsuarfigineqarsinnaassaaq
Kangerlussuarmi mittarfiup siunissaa – taamalu nunaqarfiup ataannarsinnaanera – suli qulaajarneqarsimanngilluinnarpoq.
Sakkortuumik tatisineq
Qeqqatali Kommunia sakkortuumik tatisivoq taassuma ineriartortinnera nanginneqassasoq, minnerunngitsumik umiarsualivimmik nutaamik sanalluni.
Kommunilu qularuteqanngilaq sanaartugassarsuaq taanna kiap akilissaneraa – tassa namminersorlutik oqartussat.
Sumiiffissaa
Pileraarummut ilassut, kommunalbestyrelsimi suliarineqaqqammersoq, naapertorlugu umiarsualivik nutaaq nuunnguami Hancock Pyntimi sananeqassaaq; sassasissumik inissisimalluni, taamaasilluni umiarsualivik 200 meterinik itissusilimmiissalluni.
- Tassaniilluni siorartilinnginnermini sivikinnerpaamik ukiuni 100-ni atasinnaassaaq, Qeqqata Kommuniani sanaartortnermut immikkoortoqarfik oqarpoq.
Siorarternera ajornartorsiutaasoq
Maanna umiarsualiviup siorartertarnera ajornartorsiutaasorujussuuvoq.
Sermersuarmit kinnerit annertusiartupiloorput, ukiunilu arlalinni taamaassimalluni sermersuup aakkiartornerata sukkatsikkiartornera ilutigalugu.
Allaaserisaq tamaat aviisimi AG-mi atuaruk, taanna uani ataani linki atorlugu pisiaralugu iserfigisinnaavat: