Umiarsuarmik Kalaallit Nunaannut takornariartitsinissamut bilitsit nungupallanneqarsimasut

Carnival Cruise Linep 2023-mi aggustip 13-ani USA-mi Baltimoremiit Kalaallit Nunaannut umiarsuarmik takornariartitsinissaanut ilaajumasorpassuusimapput.

Bilitsit septembarip aappaani tuniniarlugit aallartinneqarsimapput, nalunaaquttallu akunnerisa 24-t iluinni tamarmik pisiarineqarsimallutik, tusagassiorfik cruisecritic allappoq.

Baltimoremiit Kalaallit Nunaannut ilaasussat 2.124-iusut ulluni 14-ini Canadap tungaanut angalanerminni Nanortalik Qaqortorlu aqqusaassavaat.

Umiarsuaatileqatigiiffik angalanissamut ilaarusuttorpassuaqarmat angalanissanik nutaanik aaqqissuussiniartoq atuarneqarsinnaavoq.