Skip to main content

Umiarsuaq sinersortaat coronamut akikillisaanissamut piareerpoq

Arctic Umiaq Linep bilitsit septemberip qaammataa tamakkerlugu 33 procentimik akikillivai.

Ingerlatseqatigiiffik Naalakkersuisut angalanissamut ikiorsiissutaannit tapiiffigineqarmat, Arctic Umiaq Line bilitsinik akikillisaanissamut piareersimavoq.

Ikiorsiissutit Kalaallit Nunaanni ilaasunik angallassinermut tapiissutaavpput.

Naalakkersuisut tapiissuteqarnerisigut, Arctic Umiaq Line septemberip qaamataani angalanissamut 33 procentimik akikilliliisimavoq.

Umiarsuaatileqatigiiffiup akigitinneqartussanut assersuutitut uku saqqummiuppai:

Nuuk-Qaqortoq, innarfissartalik, inersimasumut bilitsi, 1.150,- (Nalinginnaasumik akia 1.725,-)

Aasiaat-Sisimiut, innarfissartalik, inersimasumut bilitsi, 535,- (Nalinginnaasumik akia 775,-)

Ilulissat-Nuuk, innarfissartalik, inersimasumut bilitsi, 1.200,- (Nalinginnaasumik akia 1.800,-)

- Aul.gl-imi inniminniissuterput kiisalu tuniniaanermi suleqativut aqqutigalugit bilitsinik akikillisanik tuniniaaneq tallimanngorpat aggustusip arfineq-aappaanni aallartissaaq. 33 procentimik akikilliliivugut, akikilliliinerlu septemberimi angalanissannut bilitsisiniaruit maanna atuutilereerpoq, Arctic Umiaq Line allappoq.

Aamma Disko Line Air Greenlandilu angalanissamut tapiissutit aqqutigalugit akikilliliisimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER