Umiarsuaq sikorsuarnit anillappoq
Royal Arctic Linep umiarsuaa Malik Arctica ullumi sisamanngornermi sikorsuarnit anillassimalerpoq.
Annonse
Ittoqqortoormiit eqqaani sikorsuit pissutaallutik umiarsuaq ingerlaqqissinnaajunnaarsimagaluartoq, ullumi sisamanngornermi sikorsuarnit anillappoq.
Royal Arctic Line allappoq.
Pisariaqartitsisoqalissagaluarpat sumiiffimmi isumannaallisaaneq annertusarniarlugu atortunik sumiiffimmukaassinissaq pillugu Issittumi Sakkutooqarfik qanimut suleqatigineqarpoq.
Royal Arctic Linep umiarsuaanik sikorsuarni ingerlaqqissinnaajunnaartoqarnera kingulleq 2007-imi pivoq, taamani Arina Arctica Danmarkshavnimukartilluni ullunik arfinilinnik kinguaattoormat. Arctic Umiaq Linep umiarsuaa Sarfaq Ittuk aamma 2018-imi sikorsuarni ingerlaqqissinnaajunnaarpoq, ilaasullu Kujataaneersut ulluni arfinilinni Torsukattaap ikerasaani ingerlariaqqissinnaajunnaaqqallutik.