Skip to main content

Umiarsuaq ilisimatusaat nutaaq upernaaru singinneqassaaq

Pinngortitaleriffiup umiarsuartaassani ilisimatusaat nutaaq, pilersaarutit naapertorlugit Spaniami umiarsualiorfimmit Balenciaga S.A.-mit upernaaru tunniunneqartussaq, pissanngatigaa. Umiarsuaq nutaaliaalluinnartunik atortulersugaavoq, taamaalillutillu ilisimatusartut ullumikkut umiarsuarmit ilisimatusaammit Paamiunit nakkutilliinikkut ilisimatusarnikkullu suliassanik assigiinngitsunik amerlanerujussuarnik suliaqarsinnaalissallutik.

Pinngortitaleriffimmit umiarsuup ilisimatusaatip ”Paamiut” taartissaa Spaniami umiarsualiorfimmi Balenciaga S.A.-mi sanatinneqaleruttorpoq. Umiarsuaq kilisaataasussaq sikusiorsinnaasoq 61 meterinik takissusilik 2021-mi upernaakkut singinneqassasoq naatsorsuutigineqarpoq.

Norgemiut suliffeqarfiat ”Skipsteknisk”, umiarsuarmik, Namminersorlutik Oqartussanit sanaartugassanut aningaasaliissutit kiisalu Aage V.Jensens Fondemit tapiissutit ataatsimut katillugit 235 millioner koruuniusut aqqutigalugu aningaasalersorneqartumik, ineriartortitsisuuvoq.

Umiarsuaq ”Paamiut”-nut sanilliulluni nakkutillliinermi ilisimatusarnermilu suliassanik assigiinngitsunik arlaqarnerujussuarnik suliaqarsinnaanissamut atortulersugaavoq, assersuutigalugu qalorsuit natersiutit atorlugit aalisarnissamut (raajat, qalerallit, saarulliit) aamma qalorsuarnik ikerinnnarsiutinik (avaleraasartuut allallu), taamatuttaarlu kujaava appartittagaq nipilerinermilu atortorissaarutit aqqutigalugit Pinngortitaleriffimmi ilisimatusartut ammassannik isumalluutinillu ikerinnarsiortunik allanik nipi atorlugu misissuinernik ingerlatsisinnaanngussallutik.

Aviisimi ilanngussami Motoorimi atuarnerusinnaavutit. Uani pissarsiariuk - akeqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER