Royal Arctic Line

Umiarsuaatileqatigiiffiup pisortaa: "Iluarsiartorpoq"

Royal Arctic Line qarasaasiatigut atortorussaarutinik atuutsitsilerneraniilli umiarsuaatileqatigiiffik unammilligassarpassuaqarsimavoq. Containerit amerlasuut kukkusumik usingiarneqanngikkuni usiliunneqartarsimapput, tamannalu atuisunut assut eqquinerlussimavoq. Massakkulli iluarsiartortoq, umiarsuaatileqatigiiffiup pisortaa Verner Hammeken oqarpoq

Verner Hammeken
Verner Hammekeni qarasaasiatigut atortorussaarutit atuutilersinniarneqarnerat pillugu: "Taamaammat qarasaasiatigut atortorussaarutiniit inuit pineqarnerupput".

Kingullermik pitsaassutsimik uuttortaanermik, umiarsuaatileqatigiiffiup sapaatit akunneri tamarluinnaasa ingerlattangaa saqqummersittangaalu, sapaatit akunnerisa 34-anni containeri ataasiinnaq kukkusumik suliarineqarsimavoq.

Malunnaatilimmik pitsanngoriaat

- Malunnaatilimmik pitsanngoriaateqareersimavoq, kisianni 'pitsaasumik ingerlatsineq' suli angunngilarput. Atortorussaarutit kisimik pissutaanngillat, kisiannili sulisutsinnut suleriaatsimik nutaamik periuseqalerniarneq. Taamaammat qarasaasiatigut atortorussaarutiniit inuit pineqarnerupput. Oqaatigiuminaapporli qaqugu pitsaasumik anguniangarput angussaneripput, Verner Hammeken Sermitsiaq.AG-mut naqissusiivoq.

Umiarsuaatileqatigiiffik atuisuminut qanoq amerlatigisunik taarsiisariaqarsimava?

- Soorunami annertuumik allannguinianitsinni aningaasartuuterpassuit assigiinngissimanngillat. Atuisunut taarsiinerit uani pingaarnerpaanngillat. Suleqatittami suleqatigiilluarnerisigut nassiussat amerlanersaat apuuffissaannut apuunneqarsimapput, Verner Hammeken akivoq, ilassuteqarlunilu:

Akisusinnaavoq, kisianni...

- Aningaasaqarnikkut allannguuteqarneq, aallaqqaammut naatsorsuutigisatsinniit, malugisinnaavarput. Naak allanngortitserineq akisuutut isikkoqaraluartoq tamatigut taamaanneq ajorpoq, illuanut qiviaraanni qanga iliuuserisinnaasimanngisagut massakkut iluaqutigilluaqaangut.

Powered by Labrador CMS