Umiarsuaatileqatigiiffik amigartooruteqarujussuartoq: RAL aningaasaqarnikkut annaasaqarujussuarpoq

Royal Arctic Line (RAL) 2022-mi naatsorsuutigeriikkatut amigartooruteqarpoq, ajoraluartumilli amigartoorutaasoq annertuneruvoq.

Umiarsuaatileqatigiiffik Namminersorlutik Oqartussanit pigineqartoq 55-56 mio. kr.-nik amigartooruteqassalluni naatsorsuuteqarsimagaluarpoq, kisianni amigartoorutaasut 96,2 mio. kr.-niupput. Ingerlatseqatigiiffiup ukiumoortumik naatsorsuutaasa RAL-ip ataasinngornermi ataatsimeersuarneranut atatillugu saqqummiunneqartumi tamanna takutinneqarpoq.

Umiarsuaatileqatigiiffik naapertorlugu 2022 Aalborgip Umiarsualiveqarfiani nammineq ingerlatsinermit Aarhusip Umiarsualiveqarfiani kiffartuussinernik pisinermut ikaarsaariarfiuneranik amigartoorneq pissuteqarpoq.

Tassunga atatillugu RAL Aalborgimi Umiarsualivimmut aamma Aarhusimi Umiarsualivimmut ingerlatsinermut nutaamut ukiup affaata missaani aallartisarnermut aningaasartuuteqarsimavoq.

Marloqiusamik ingerlatsineq aamma soraarnermut atatillugu aaqqiissutit akisusut

Marloqiusamik ingerlatsineq 20-25 mio. kr.-t missaanni saniatigut aningaasartuuteqarfiusoq, RAL naliliivoq.

Aalborgip umiarsualivianut talittarnerup unitsinneqarneranut atatillugu kiisalu namminerisamik quersuaqarnermik ingerlatsinerup uninneranut atatillugu Royal Artic Line imminut akiligassippoq 30 mio. kr.-nik, ilaatigut taakku suliunnaarnermut atatillugu, aamma suliffimmik attassiinnarnissamut kiisalu Port off Ålborgimit attartornerup unitsinneqarneranut atatillugu nutsernermut aningaasartuutinut assigiinngitsunut ataasiartumik akiliisussanngorluni, umiarsuaatileqatigiiffik ilisimatitsivoq.

- 2022-mi angusaq immikkut isigalugu soorunami naammaginanngilaq, kisianni pilersuinermut isumannaatsuutitsineq sunnerneqarsimannginnera, aamma ukiut 50-ingajaat Aalborgimiinnerup kingorna aaqqissuussaanermut nutaamut ataqqinnittumik ikaarsaariarnermik angusaqarnerput eqqarsaatigalugu, taava ataasiakkaat akuersaarneqarsinnaasutut nalilerneqarput, siulersuisuni siulittaasoq aamma pisortaaneq Verner Hammeken, 2022-mi angusat pillugit allapput.

RAL-ip aqutsisuisa 2023-mi sinneqartooruteqarnissartik naatsorsuutigaat, tassanilu angusat 15 mio. kr.-t missaanniissasut naatsorsuutigineqarpoq. Sinneqartooruteqarnissamik naatsorsuuteqarneq ilaatigut ilaatigut avammut assartukkanut akigititanik qaffaanermik pissuteqarpoq, taakku aalisarnermik inuussutissarsiortut annertuumik akerlilersuineranni RAL-ip Naalakkersuisut akuersinerisigut atuutilersippaat.

Kaaviiaartitat aamma assartukkat amerleriartut

Kaaviiaartitanut tunngatillugu 2022-mi 1.166 mio. kr.-nut 2021-mi 1.054 mio. kr.-nit qaffariarput.

Amerleriaatinut pissutaavoq 2021-mut sanilliullugu uuliamut aningaasallu nikerarnerinut tapissutit amerlisimanerat 2021-mi 36 mio. kr-niit 2022-mi 123 mio kr. akiligassiissutitut piumasarineqarsimallutik.

- Amerlanerusunik akiligassiineq amerleriaatinik assigusunik illuatungilerneqassaaq 87 mio. kr.-nik, tassa umiarsuarnut orsussaasivinnut aningaasartuutit, taannalu kaaviiaartitanut ineriartuutaavoq 21 mio. kr.-nik, RAL allappoq.

Assartukkat 2022-p ingerlanerani 2021-mut sanilliullugit katillutik 2,4 procentinik qaffariarput.

Siulersuisumik taarsiineq

Ataasinngornermi ataatsimeersuartoqarnerani siulersuisuni atorfimmi ataatsimi taarsiisoqarpoq, Heiðrún Jónsdóttir tunuarniarluni aalajangersimammat.

RAL-imi siulersuisunut ilaasortap taarserneqarnerani, Copenhagen Malmö Portimi pisortaaneq, Barbara Scheel Agersnap, RAL-imi siulersuisutut toqqarpaat.