Skip to main content

ULO Atlantic Musicilu nuutitoqqanik saqqummersitsisut

Nipilersuutinik nuannarisallit erinarsuutitoqqanik nuutitoqqanillu tusarnaartarnissaminnut qilanaarsinnaanngorput. Atlantic Musicimmi ULO suleqatigalugu kalaallit saqqummersitaat tamaasa saqqummiuttaqattaalerpai.

Ulluni makkunani nuutit "nutaat" iTunesikkut saqqummiunneqartarput. Nuutitoqqat, soorlu Niivertut, Silamiut, Anguigaq allarpassuillu ulluni makkunani Atlantic Music aqqutigalugu iTunesikkut saqqummiussuunneqarput.

Nuutinik saqqummersitsisarfik ULO kassettenik, nuutinik kisimiillutillu erinarsortunik 1970-ikkunili saqqummersittarsimasaminik digitaliseerinissamik pilersaaruteqarspoq. Atlantic Music saqqummiussaminik iTunesikkut siammarterissaaq, qarasaasianut, tabletinut mobilinullu immiunneqarsinnaanngorlugit.

- Erinarsuutit attatiinnarniarlugit pisiaqarnissamullu soqutiginnittunit tamanit pissarsiarineqarsinnaanngortinniarlugit taamaaliorpugut, Malik Høegh nuutinik saqqummersitsisarfimmi ULO-mi suliniummik aallartitsisimasoq oqaluttuarpoq.

Saqqummersitat 175-it

Erinarsuutinik digitaliseeriineq arriittumik ingerlanneqarpoq. Saqqummersitat nutaannginnerusut saqqummiuteqqinneqarsimanngitsut taamalu pissarsiarineqarsinnaajunnaarsimasut siulliullugit iTunesikkut saqqummiunneqassapput. Malik Høeghip oqaluttuarivaa, kassettebåndinik CD-nillu digitaliseeriineq arriissinnaasoq, paasissutissat tamarmik erinarsuutip digitalitaanut malinnaatinneqartussaammata. Saqqummiunneqarsimasut pisoqaanerit 1970-ikkunneersuupput.

- Piffissap ingerlanerani kassettit nuutillu assigiinngitsut 175-it missaanniittut saqqummersissimavavut, taamaammat piffissaq annertooq atorlugu saqqummerseqqinniassavagut, taanna oqaluttuarpoq.

Atlantic Musicip suliakkinneqarnini nuannaarutigigaa

Christian K. Elsnerip Atlantic Musicimeersup nuannaarutigaa, erinarsuutitoqqanik siammarterinissamut suliakkinneqarsimanini.

- Nuannaarutigaara saqqummiussanik siammarterisinnaanerput. Suliassaqaqaaq, kisimiillunimi erinarsuutit, nuutit kassettenilu aamma CD-ni erinarsuutit ataasiakkaat suliassaammata. Isaasalerlugu nuutinik nutaanik iTunesikkut saqqummiussinissaq pissanganartuaannarpoq, Christian K. Elsner oqarpoq.

ULO-p suliai ingerlaavartumik digitalinngorlugit saqqummiunneqartassapput. Atlantic Musicimiillu piumaneqarluartut malugineqarsimavoq.

- Einarsuusit nuannarineqartuaannarput, ukiorpassuillu ingerlareeraluartut Danmarkimi Kalaallillu Nunaanni suli piumaneqaqalutik. Nuutit tamarmik digitaliseererneqareerpata sullitavut iTunesimut innersuussinnaanngussavavut, Christian K. Elsner oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER