Skip to main content

Ullut arfinillit ingerlareersut: Aavariaq ajunngitsoq nassaarineqarpoq

50-nik ukiulik Niels Skifte Josefsen aalisartunit ajunngitsoq nassaarineqarpoq ataasinngormat

Aavariaq ujaarineqartoq Niels Skifte Josefsen aalisartunit ajunngitsoq nassaarineqarpoq. 

Maniitsumi politiit tusagassiutinut nalunaaruteqarput. 

Atammiup kujataani Niaqunngunamiinnerani 50-nik ukiulik sumiiffeerunneqarpoq marlunngormat oktobarip 14-ani. Pisoq aamma Sermitsiaq.AG-mi allaaserineqarpoq. 

Niels Skifte Josefsenip ikinngutini marluk tuttunniaqatigai. Umiatsiamut apuutinngilaq, tassanngaannit tuttunniaqataasa ujaarilerpaat.

Qujanartumik ataasinngormat nassaarineqartoq Maniitsumi politiimit Jan Geislerimit nalunaarutigineqarpoq. 

Niels Skifte Josefsenip nukippassuit atorsimammagit qasoqqasoq Jan Geislerip oqaatigaa, taannalu eqqaassanngikkaanni ajoqquteqanngitsoq oqaatigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER