Ullut aappassaanni nutaanik tunillatsissimasoqanngilaq
Sapaammi aamma ataasinngornermi kisitsisit nutarterneqartarnerini nutaanik tunillatsissimasoqartanngilaq. Sapaatip akunneratali naanerani ikittuinnaat misissortissimasut, nunatta nakorsaaneqarfia ilisimatitsivoq.
Ullut aappassaani nutaanik tunillatsissimasoqanngilaq.
Sapaatip akunneratali naanerani ikittuinnaat misissortittarsimasut ilisimatitsissutigineqarpoq.
- Tuniluunneq uge 39-mi aamma uge 40-mi sapaatit akunneri siuliinut sanilliullugu annikinnerungaatsiarsimavoq. Naatsorsuinerit malillugit Nuummi uge 39-mi innuttaasut 100.000-iugaangata 119-it tunillatsissimasarput, uge 40-milu innuttaasut 100.000-iugaangata 130-t tunillatsissimasarlutik. Tassa tuniluunneq sapaatit akunneri siuliinut sanilliullugu pingajorartiinnaasimavoq. Nunatsinni tunillaassuunnerup annertunera Islandimit Danmarkimiillu maanna annikinnerulerpoq, nunatta nakorsaaneqarfia ullumi ilisimatitsivoq.
Tasiilami misissuisut
Tasiilami tunillatsissimasoqareersorlu sapaatip akunnerata naanerani arlallit misissorneqarput. Nunatta nakorsaaneqarfia sapaammi ilisimatitsivoq illoqarfimmi tunillatsissimasunik nutaanik paasisaqartoqarsimanngitsoq.
- Tasiilami arlallit misissorneqareermata tunillaassuunnernik allanik nassaartoqanngilaq, ilisiamtitsissutigineqarpoq.
Nunatsinni 50-it maanna tunillatsissimapput.
Qeqqani tunillatsissimasut arfiniliupput, Sermersuumi 43-it Kujallermilu ataaseq.