Assammik arsarluni GM
Ullumi GM-imimi unamminerit pingaarutillit ingerlanneqassapput
GSS-p angutitai arnartallu pissartanngorniutivinnissami piareeqqapput. Ullumikkulli pissartanngorniutivinnermi kikkut naapissaneraat aalajangerneqassaaq
Inersimasut assammik arsaallutik Nunatsinni pissartanngorniuvinneranni, ullumi sapaammi unamminerit aalajangiisussat ingerlanneqassapput.
Angutini NÛK aamma Norsaq HC pissartanngornitivinnermut anngunnissaminnut periarfissaqarput. Nuumminngaanneersut pissartanngorniutivinnermut anngutissagunik ullumi GSS ajugaaffigisariaqassavaat. NÛK-p GSS målinik aqqanilinnik ajugaaffigingaluarpassut, Norsaq HC-llu ullumi Nagtoralik ajugaaffigippagu, taava NÛK aamma Norsaq HC pissartanngornitivinnermi naapissangaluarput.
Taamaattoq pissartanngorniutivinnerit ingerlanneqarnerini GSS unammilluaqattaarsimaqaat, pissartanngorniuvinnermilu kikkut naapissanerlugit nammineq aalajangersinnaallugu.
Sermitsiaq.AG-p GSS-p sungiusaasua, Johannes Groth, aperisimavaa kikkut pissartanngorniutivinnermi naapikkusunneruneraat.
- Tamanna eqqarsaatiginngilarput. Aqagu pissartanngorniutivinnermi piareeqqasut naapissavagut. Unamminerit kingulliit marluk sukataarluta unammiffigissavagut, Johannes Groth oqarpoq.
Holdit pingasut inissinniuuttut
Arnani unammisartut pingasut pissartanngorniutivinnissamut anngunniupput. GSS pissartanngorniutivinnissamut piareersimapput, taamaattoq Team Nuuk, SAK kiisalu NÛK pissartanngorniutivinnermut anngunnissaminnut tamarmik periarfissaqarput.Taama pisoqassappat SAK unamminermi kingullermi NÛK ajugaaffigisariaqarpaat aammalu Team Nuuk unamminermi kingullermi GSS-imut ajorsartariaqassallutit, taamaasillutik unammisartut taakku pingasut tamarmik arfinilinnik pointeqalissallutik.
Tallimanngornermi inernerit:
Arnat:
Norsaq HC – Nagdlúnguaq 21-24 unammilluarnerpaatut toqqangaavoq: Tippu G. Rafaelsen, Norsaq HC
SAK – Team Nuuk 30-27 unammilluarnerpaatut toqqangaavoq: Najannguaq Jensen, SAK
NÛK – GSS 16-46 unammilluarnerpaatut toqqangaavoq: Marie Lennert Egede, NÛK
Angutit
SAK – Norsaq HC 19-29 unammilluarnerpaatut toqqangaavoq: Kuutak K. Olsen, Norsaq HC
Nagtoralik – GSS 14-32 Kunammilluarnerpaatut toqqangaavoq: Inuk Højgaard, GSS
Nagdlúnguaq – NÛK 25-30 unammilluarnerpaatut toqqangaavoq: Henrik Kreutzmann, NÛK
Arfininngornermi unammisussat:
Arnat:
Nal. 11.00: SAK - Norsaq HC
Nal. 14.00: Team Nuuk - GSS
Nal. 17.00: NÛK - Nagdlunguak
Angutit:
Nal. 12.30: Nagdlunguak - SAK
Nal. 15.30: Nagtoralik - Norsaq HC
Nal. 18.30: NÛK - GSS
Unamminerit timersortarfissuarmi Inussivimmi Nuummiittumi ingerlanneqassapput.