Skip to main content

Ullumi Erling Høegh nalliuttorsiorutigalugu kaffillertoqassaaq

Ullumi Erling Høeghip Landsrådini siullersaalluni siulittaasutut qinigaasimaneranit ukiut 50-it qaagiupput. Tamannalu kulturikkut illorsuarmi Katuami Nuummiittumi kaffillernertalimmik nalliuttorsiutigineqassaaq.

Ullumi Erling Høeghip Landsrådini siullersaalluni siulittaasutut qinigaasimaneranit ukiut 50-it qaagiupput.

Landsrådimmi ilaasortaasa nammineerlutik siulittaasussaminnik toqqaapput. Tamatuma siuliani Danmarkimiit aalajangerneqartarsimangaluarpoq.

Ullumi nal. 14.00-miit 16:30 tugaanut

Ullorli immikkut malunnartinneqassasoq Inatsisartut siulittaasoqarfiata aalajangiussimavaa. Tamanna kulturikkut illorsuarmi Katuap ineeraani ulloq 26. maj nal. 14.00-miit 16.30 tugaanut nalliuttorsiutigineqassaaq.

Kikkut tamarmik tikilluaqquneqartut

Nalliuttorsiornermi kaffillertoqarluni, oqalugiartoqarluni nipilersukkanillu akunniliisoqartassaaq, kikkulli tamarmik tikilluaqquneqartut, Inatsisartut paasissutissiipput. Tamatuma saniatigut Landrådimi ilaasortaasarsimasimasut ilaat Siulittaasoqarfiup nalliuttorsiornermut qaaqqusimavai.

Erling Høeh 1993-mi 69-nik ukioqarluni toqukkut qimaguppoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER