Inuussutissalinnik nalunaaqutsersuineq
Ullulersuisarneq eqqarsartitsivoq
Nunatsinni nioqqutissanik ullulersueriaaseq nutarterneqarnissaa atuisut qaavatigut akiliisinneqanngikkaluarlutik misissorneqaleruttortoq Vittus Qujaukitsoq oqarpoq.
EU-p nerisassanut ajortiasuunut nalunaarsuisarnermut peqqussutaa nunatsinnut atuutsilersinnaanera suliassaq oqitsuinnaanngilaq.
Sorlerli pitsaanerua?
Nioqqutissanik nalunaaqutsersuisarneq oqaatsinik assigiinngitsunik atuiffigineqartarpoq atuisartuusugulli nerisassanik asiunikunik pisissanngilagut.
Maluginiagassat arlaqarput
Inatsisartut suleriaasianni § 37 naapertorlugu Justus Hansenip apeqquteqarneranut naalakkersuisoq ilaatigut ima akissuteqarpoq
- Ulloq atorneqarfissaa kingulleq
- Minnerpaamik piusinnaassusia
- Minnerpaamik piusinnaassusia ilanngullugu
- Sioqqullugu pitsaanerpaaq
- Allagartalersuisarnermut nalunaarummi § 39-p siunertaa tassaavoq inuussutissat nalinginnaasut asiuasullu akornanni erseqqissumik oqaatsitigut immikkoortitsinissap pilersinnissaa, § 39, imm. 2-mi immikkut ittumik oqariaatsimik pilersitsinikkut, inuussutissanut asiuasunut "Ulioq atorneqarfissaa kingulieq"-mik taaguusiilluni, taakku ukiup atugaaffissaasa kingornatigut atugarineqassannginnerannik erseqqissumik takussutissiissalluni. § 39, imm. 1-imi pingaarnertut malit!arisassiami inuussutissanut nalinginnarnut oqaaseqatigiit uliormik nalunaarsuiffiup siornani "Minnerpaamik piusinnaassusia" imaluunniit "Minnerpaamik piusinnaassusia ilannguliugu" paarlattuanik allassimassaaq, akissuteqaatini ilaatigut allassimasoqarpoq nanginnera:
- Taamaattorli oqaaseqatigiinnut "Minnerpaamik pisinnaassusia" imaluunniit "Minnerpaamik piusinnaassusia ilanngullugu" asserpiaanik nassuiaatinut EU-mi suli annertusiartuinnartumik oqaaseqatigiit "Bedst før" (Sioqqullugu pitsaanerpaaq aaqq.) atugaalerput, oqaaseqatigiit "Bedst før" oqaaseqatigiinnut "Minnerpaamik piusinnaassusia"-nut imaluunniit "Minnerpaamik piusinnaassusia ilanngullugu"-mut oqaatsitigut taamatulli erseqqitsigisumik inuussutissanut asiujasunut nassuiaanera tassani oqaatigineqarluni.
Atuisut akiligassaat
Allagartalersuisarnermut EU-p maleruagassai imaasiallaat eqqunneqarsinnaanngitsut Vittus Qujaukitsup nassuiaatigaa,
- Piumasaqaatip oqaasertaanik najoqqutassalittut paasiniaanermik aallaaveqaraanni atugassanik pisiniarfeqarfiit ingerlatsinermi ilimanartumik annertungaatsiartumik aningaasartuummik atugassinneqarput, ilisimatitsinermi imaluunniit atuisartunik illersuiniarnermi inissisimaffimmik qaffasinnerusumik ilusilimmik annertunermik naleqassutsimik angusaqartitsigani inuussutissat "Minnerpaamik piusinnaassusia" -mit imaluunniit "Minnerpaamik piusinnaassusia ilanngullugu"-mit "Sioqqullugu pitsaanerpaaq"-mut allagartaleeqqiinissamik piumasaqaateqartoqarmat.
- Pingaarnerpaaq tassaavoq atuisartut peqqinnissaat naleqquttumik qulakkeerlugu, peqatigitillugu nunatsinni pissutsit immikkut ittut sillimaffigalugit, Vittus Qujaukitsoq oqarpoq.