Ullormut nalunaarusiortarneq aallarteqqinneqarpoq
Danmarkimi illersornissaqarfiup ullormut nalunaarusiortarnini aallarteqqippaa, nalunaarusiat assersuutigalugu Illersornissaqarfiup peqataaffigisaanik Kalaallit Nunaanni ujaasillunilu annaassiniartoqarsimanera pillugu innuttaasunut paasissutissiisarput.
Illersornissaqarfiup februaarip arfineq-pingajuanni ilisimatitsissutigaa, ullormut nalunaarusiortarneq unitsikkallarneqartoq, tamatuma malitsigisaanik IA-meersup Aaja Chemnitz Larsenip illersornissamut ministeri Trine Bramsen apeqquteqarfigaa.
Illersornissaqarfiup innuttaasunut paasissutissiillu suliarisartakkaminik unitsitsisimanera pillugu Sermitsiaq.AG-p ilanngutassiaqarnerata aqanguani ullormut nalunaarusiortarneq aallarteqqinneqarpoq.
Ammasumik suliaqartarneq pingaaruteqartoq
Aaja Chemnitz Larserni naalunaarusiortarnermik unitsitsineq uggorisimavaa, ”Illersornissaqarfiup nunatsinni suliaqartarnerani ammasumik paasineqarsinnaasumillu ingerlatsinissaq soorunami pingaaruteqarpoq”, taanna Sermitsiaq.AG-mut oqarpoq.
Aaja Chemnitz Larsen pisoq pillugu ministerimut marlunnik apeqquteqarpoq;
Tamatumunnga suna pissutaava?
Illersornissaqarfik Kalaallit Nunaanni suliaqartarneq pillugu ulloq unnuarlu nalunaarusiortarnermik qaqugu aallartitseqqissava?
Aamma atuaruk: Illersornissaqarfik ujaasillunilu annaassiniartarneq pillugu paasissutissiisarunnaarpoq
Aamma atuaruk: Ullormut nalunaarusiaq