Ullormut nalunaarusiaq: Pinerluttut tallimat kioskimut isertut
Pingasunngornerup unnuaani Nuummi Kamik-mut tillinniartoqarpoq, tamatumalu kingorna politiit qimmiata tillitat ilai nassaarai. Tamatuma saniatigut inuit marluk allagartaqaratik biilertut politiit aamma tigusaraat.
Nuummi H.J. Rinksvejimi kioski Kamik pingasunngornerup unnuaani tillinniarfigineqarpoq.
Politiit 02.38 nalunaarfigineqartut, pigaartut pisortaat Jens Rønberg oqaluttuarpoq, pinerluttullu tallimat kiinappaqartut pisiniarfimmut isertut videomi nakkutilliissummit takuneqarsinnaapput.
Politiit suliami tigusarinninngillat, illuanik tillitat ilaat nassaarineqarput.
Politiit qimmiata pisiniarfimmi nassaarineqartoq malimmagu tamanna pivoq:
Aqqit nalunaarsorneqartut
- Qimmeq adressemut malinnippoq, tassanilu illup silataani puussiaq tillitanik imalik nassaarineqarpoq, Jens Rønberg oqaluttuarpoq.
Adressemi inuit oqaloqatigineqartut, pigaartut pisortaat oqaluttuarpoq, taakku aqqi politiit nalunaarsorpaat assilillugillu. Inuit kioskimut tillinniartuunersut misissuinermi qulaajarniarneqassaaq:
- Imaassinnaavoq pinerluttut puussianik qimatsiinnarsimasut, pigaartut pisortaat oqarpoq.
Marluk allagartaqaratik biilertut
Tillinniartoqarnerata saniatigut pingasunngornerup unnuaani allagartaqaratik biilertunik marlunnik politiit unitsitsipput.
Biilertup aappaa Nuussuarmi sullorsuarmi nal. 00.42 unitsinneqarpoq, kingunngua nal. 01 biilertoq allat unitsinneqarpoq, ingerlatsisinnaanermut allagartaqarnani ingerlatsisimasutut unnerluutigineqarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...