Ullormi unnuamilu ataatsimi 1000-it sinnerlugit sianerfigitinnerit
Malersuisumit malersorneqarluni qasunartorujussuuvoq, pingaartumik ikiorneqarnissamut periarfissat taama annikitsigimmata
Malersorneqarnermit stalkingimit eqqugaalluni tamanna piareersimajuarnermik isumaqartarpoq, malersuisup iliuuserisassaata tulliata suuneranik eqqoriaajuartoqartariaqartarmat.
Aviisi AG taama allaaserisaqarpoq.
AG malersorneqarnermit eqqugaasumut attaveqarsimavoq. Angutip taassuma oqaluttuassartani oqaluttuarerusuppaa kinaassutsiminik isertuussisoqarnissaa tunngavigalugu. Anguniagaami tassaavoq malersuinerup stalkingip tamatumalu kingunerisartagaasa isiginiarneqalernissaat. Taassuma kinaassusia aaqqissuisoqarfimmit ilisimaneqarpoq.
Malersorneqarnermik eqqugaasoq, Avannaani illoqarfimmi najugaqartoq, qaammatit qulingiluat missingisa matuma siorna arnamik illoqarfimmi allamiittumik allaqateqartalersimavoq.
- Tamanna ajunngitsumik ingerlavoq, aarlerinartoqanngilaq, oqaloqatigiilluartarpugut, aallartinnertik pillugu eqqaamaniagaqarpoq.
Qaammatit pingasut missiliorlugit qaangiummata arnaq taanna illoqarfigisaanut tikippoq, namminerlu oqarneratut sivikitsuararsuarmik naapeqatigiillutik. Tassani takussutissat nuannerpallaanngitsut annikitsut siulliit malugeqqaarsimavai.
- Assersuutigalugu anaanaga qatanngutikkalu ingerlaannaq naapikkusuppai. Itigartippara akuererpasippaalu, angut oqaluttuarpoq.
Oqaluttuaq tamaat AG-mi uani sapaatip-akunnerani saqqummertumi atuaruk. Uani isissutissarsigit:
