Skip to main content

Ulloq unnuarlu paaqqinnittarfik tatineqartoq: Sulisussaqarniarneq ajornarsisoq

Nuuk matuneqarmat suliffeqarfippassuit iluamik ingerlatsiniarnertik ajornartorsiutigilersimavaat. Tamanna aamma atuuppoq inunnik pingaarutilimmik sullissisartuni.

Nuummi ulloq unnuarlu paaqqinnittarfik, Angerlarsimaffik Aja, inuusuttunik qajannartunik sullissiviuvoq, tassanilu coronap ajornartorsiutaanerata kinguneri malugineqalersimapput:

- Sulisussaqarniarneq ajornarsiartulerpoq. sulisut illersorniarlugit angerlartittariaqarsimavavut, taamaammat sulisussanik amigaateqalerpugut, Angerlarsimaffik Ajami pisortap tullia Jens Pavia Lennert ilisimatitsivoq.

Tamatuma saniatigut paaqqinnittarfiup immikkoortortaqarfiisa ilaanni pisortaq Maniitsumiit ingerlariaqqissinnaajunnaarsimavoq:

- Tallimanngormat Nuummut timmisartumik tikittussaagaluarpoq. Silarlunnerali pissutigalugu timmisartoq unitsiinnarneqarsimalluni. Isumaginninnermi pingaarutilimmik atuuffeqartuusoq isumaqarpugut. Pisariaqartipparpullu, pisortap tullia oqaluttuarpoq.

Ikiuussinnaanani ilungersunartoq

Immikkoortortaqarfimmi pisortaq tamaviaarluni aqqutissarsiorsimagaluarluni, Nuummukarniarnerminik iluatsitsinngittoorsimavoq, ungasianiillu suliffimmik isumaginninniarnera, pisortaq oqaluttuarpoq:

- Oqarasuaatikkut tamaasa isumagivagut, suliffillu ingerlaniarsaralugu. Arlalippassuimmi sulisussanik amigaateqarput, Nuummiittuugumalu pigaartuusarlunga ikiuussinnaangaluarpunga. Taamaammat ilungersunarpoq, immikkoortortaqarfimmi pisortaq Anna Wind Maniitsumiit oqarasuaatikkut oqarpoq.

Paaqqinnittarfik sulisussaqarniarnikkut tatineqaraluartoq, aamma nuannersortaqarpoq:

Danskit ilinniartut ikiuunniarlutik aallanngitsuuginnarsimasut

Perorsaasunngorniammi marluk Danmarkimeersut, sapaatip akunnerani kingullermi aalajangersimapput, paaqqinnittarfimmi suliffimmimik misiliinertik naammassiniarlugu, naak timmisartukkut aqqutissat matuneqannginneranni Danmarkimukarnissamut periarfissaqarsimagaluarlutik.

- Oqarfigaakka taakku namminneq kisimik taamatut aalajangersinnaasut. Aallarniarlutimmi aalajangersimasuuppata ajoriffissaqartinnginnakku, Angerlarsimaffik Ajami forstander Fie Hansen oqaluttuarpoq.

Forstanderilli aappaatigut aamma nuannaarutigaa, sulisussanik amigaateqarnermi ilinniartut taakku marluk maanna ikiuussinnaanerat:

- Taamatut aalajangersimanerat nuannaarutigaara, assaammi sisamat pisariaqartitavut maanna ikiuussinnaalermata, Fie Hansen oqarpoq.

Najukkami immikkut ilisimasallit inuussutissarsiornermik kivitsisuussapput
Kommuneqarfik Sermersuup, inuussutissarsiuteqartut Kommuneqarfik Sermersuullu akornanni suleqatigiinneq pitsaanerulersinneqarnissaa siunertaralugu, kommunimi assigiinngitsuni immikkoortuni...
Hans Egede: Utoqqarnut taasivissat
Nuummi innuttaasut utoqqaanerit Hans Egedep eqqaassutissaata siunissaa pillugu immikkut ajornanngitsumik taasisinnaassapput. Ulluni aggersuni Nuummi angerlarsimaffimmi ikiortimik atuisut tamarmik,...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER