Skip to main content

Ulloq qinersiffissaq: Ullormi ataatsimi qinersinerit marluk

Qinersisartut apriilip arfernani kikkut Inatsisartuni ilaasortanngussanersut aamma kikkut nunami kommunini tallimani ilaasortanngussanersut qinersinermikkut aalajangiiffigissavaat.

Illuatungiliuttut qinersisitsisoqarnissaa anguniarlugu inatsisissatut siunnersuutaat Ukiuunerani ataatsimiinnerup ulluata siulliani siullersaatillugu oqaluuserineqassaaq. Taamaalilluni Ukiukkut ataatsimiinneq sivikitsuararsuussaaq, tamatumalu kingorna qineqqusaarneq aallartinneqassalluni.

Inatsisartut Allattoqarfiata inatsisissatut siunnersuummut nassuiaatit ataasinngormat nassiuppai, tassani atuarneqarsinnaavoq, Inatsisartunut qinersineq påskep aappaata aqanguani - apriilip arfernani kommunimut qinersisoqarnera ilutigslugu pissasoq.

Nunami politikkerit taamaalillutik sapaatip akunnerini arfineq-marlunni qineqqusaarsinnaanngorput.

Kommunimut qinersisoqannginnerani qinersisitsisinnaaneq qularutigineqareersimavoq, Inatsisartullu Allattoqarfianit oqaatigineqarsimavoq, pissutsit aalajangersimasut eqqarsaatigineqartussaammata qinersisitsinissaq piviusunngortinneqassappat. Assersuutigalugu qinersisarnermi ataatsimiititaliap qinigassanngortittut piumasaqaatinik naammassinnissimanersut misissortussaavai.

Qineqqusaartoqarnissaanut aningaasanik immikkoortitsisoqassasoq

Ilanngullugu atuarneqarsinnaavoq, inatsisissatut siunnersuummi 3.75 millioner koruunit partiit qineqqusaarnermi atugassaat immikkoortinneqassasut, qinersinermulli aningaasartuutissat en million koruuninik ilaneqassallutik.

2021-mut Aningaasanut Inatsimmut immikkut ittumik aningaasaliissuteqarnermut pissutaavoq, piffissaanngitsukkut Inatsisartunut qinersisoqarnissaanut missingersuusiortoqarsimannginnera.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER