Uku ikiorseneqarsinnaapput: Ikiorsiissutissat pillugit paasissutissat

Kalaallit Nunaanni inuussutissarsiorneq annanniarlugu iliuuseqartoqarpoq

Nunatsinni suliffeqarfiit ikiorserniarlugit suliniut Sulisitsisunit Brian Buus Pedersenimit tigulluarneqarpoq.

- Kalaallit suliffeqarfii imatut maanna inissisimapput siornatigut takusimanngisaannakkatsitut. Angivallaartumik takorloorneqarsinnaanngilaq qanoq pingaartigisumik ikiorsiissutit naleqartigisut. Oqaluttuarisaanermi pisoq aatsaat taamaattoq takuarput tamannalu annertoorujussuarmik maanna iluaqutaassaaq. Maannakkut iliuuserisarput aalajangiisuusinnaavoq Kalaallit nunaat coronamik ajornartorsiorneq qaangiuppat qanoq inissisimanissaanut aamma ullumikkut ikiorsiissut piffissami ilungersunartumi neriuuteqalersitsivoq, taamatut oqarpoq pisortaq Brian Buus Pedersen.

Ikiorsiissut ima isikkoqarpoq

Aningaasaqarnermut ataatsimiititaliami amerlanerussuteqartunit akuerineqartoq ima isikkoqarpoq:

Aningaasarsiatigut taartisiat

  • Akissarsiassanut annaasanut taartsisiassat sulisorisap pineqartumut akissarsiaasa 75 pct.-iinut matussutaassapput, taamaattoq annertunerpaamik sulisumut ataatsimut qaammammut 20.190 kr.-it, angerlartitsinermi soraarsitsinissaagaluamut taarsiullugu.
  • Suliffeqarfiup annerpaamik akissarsiassanut annaasanut taartsisiassat qaammatinut pingasunik pissarsiarisinnaavai ulloq 30. juni 2020 ilanngullugu. Akissarsiassanut annaasassanut taartsisiassat atorunnaassapput sulisitsisup sulisuni sulilerseqqippagu.
  • Sulinermik inuutissarsiuteqartut ataasiakkaat suliffeqarfiup akissarsiaannut taartsisiaqartitsinermik aaqqissuussinermut qinnuteqaataasa sulinngiffeqarfissatik aamma / imaluunniit akunnerit katersatik afspadserigassatik katillugit ulluni 5-ini piffissami taartsisiaqartitsiviusumi ullunik 30-inik sivisussusilimmi atortassavaat. Ullut 30-ikkaat tamaasa sulinermik inuutissarsiortut ullunik sulinngiffeqarfissanik 5-inik atuisassapput imaluunnit akunnernik katersanik atuisassallutik. Sulisuusoq sulinngiffeqarfissaqanngippat, akunnernik katersanik atugassaqanngippat ullunut tallimanut akissarsiaqarani sulinngiffeqartoqassaaq.

Pilersortumik suliat

  • ”Nukinginartunut ataatsimoortitat”, akunnittarfiit, neriniartarfiit, aamma sullissinermik inuussutissarsiuteqartut aalajangersimasut assigisaasalu iluanni suliffeqarfinnut, maannangaaq taamaatitsinerit annertoorujussuit malitsigisaannik nukinginartumik aningaasaqarnikkut unammilligassaqalereersunut kiisalu suliffeqarfinnut matunissamik pisussaaffilerneqartunut, sammitinneqartut.
  • Maannamuugallartoq nukinginartunut ataatsimoortitanut 50 mio. koruunit aammalu nalinginnaasumik inuussutissarsiortunut ataatsimoortitanut 100 mio. koruunit atugassanngortinneqarput.
  • Juunip 30-ata tungaanut atuutissaaq
  • Aaqqissuussinerit atortuulissapput ulloq 23. marts 2020 nal. 12.00 - innovation.gl-imi immersugassaqarpoq

Inuussutissarsiortunut ikiorsiissutissat ataatsimoortitat

  • nalinginnaasumik inuussutissarsiortunut ataatsimoortitanut 100 mio. koruunit atugassanngortinneqarput.
  • Aaqqissuussinerit atortuulissapput ulloq 23. marts 2020 nal. 12.00 - innovation.gl-imi immersugassaqarpoq

Assersuut

  • Neriniartarfimmik piginnittoq inerteqquteqarallarnerup malitsigisaanik neriniartarfimmini neriartortunik nerisitsisinnaanngilaq, kisianni take away aqqutigalugu nalinginnaasumik kaaviiaartitami 15 % -inik tunisaqaannarsinnaalluni. Neriniartarfimmi kaaviiaartitat 85 %-imik appartut misigineqarmat, taanna aningaasartuutimi aalajangersimasut taartisiffigineqarsinnaatitaasut 80 %-iinik taartisisinnaavoq:

Qaammammut aningaasartuutit aalajangersimasut

  • Qaammammut ineqarnermut akiliut: 18.000 kr.
  • Avataaneersumut assartuussinermut suliffeqarfimmut isumaqatigiissut: 5.000 kr.
  • Igaffimmi pequtinut akiitsunut ernianut aningaasartuutit: 4.000 kr.
  • Katillugit: 27.000 kr.
  • Taartisiassat: 21.600 kr. (27.000 koruunit 80 procentiisut annertussusillit).

Aningaasartuutit aalajangersimasut taartisiffigineqartussat ilai makkuupput:

  • 80 %, kaaviiaartitat apparnerat 80-100 %-nik annertussuseqarsimappat,
  • 50 %, kaaviiaartitat apparnerat 60-80 %-nik annertussuseqarsimappat
  • 25 %, kaaviiaartitat apparnerat 30-60 %-nik annertussuseqarsimappat

Akisussaassusilimmik ajornartoornermi taarsigassarsiat

  • Taarsigassarsiarititat qaammatit 36-it angullugit taarsersugassaassanngillat tamatumalu kingorna attartukkat akilerneqassallutik.
  • Taarsigassarsiarititat annertussusilerneqarneranni, piffissami nukinginnartunut ataatsimoortitat matussusiivissaanni unammilligassat aalajangersimasut sillimaffigineqassapput, taamaattoq annerpaamik 1.000.000 koruuniussallutik suliffeqarfikkaartumik qaammammut.
Powered by Labrador CMS