Ukrainemi atomip nukinganik nukissiorfimmit qinngornerit Upalungaarsimanermut Aqutsisoqarfimmit nakkutigineqartut
Upalungaarsimanermut Aqutsisoqarfiup Ukrainemi sorsuttoqarnerani qinngornerit silallu allanngorsinnaanera immikkut nakkutigai.
Fordi Ukraine atomip nukinganik nukissiorfeqartuummat, Upalungaarsimanermut Aqutsisoqarfip nunami sorsuttoqarnerani qinngornerit siammarsinnaanerat immikkut eqqumaffiginiarpai.
Russit sakkutuui sisamanngornermi unnukkut saassussigamik nunami atomip nukinganik nukissiorfiit annersaannik Zaporizjzjamiittumik tiguaammata, Upalungaarsimanermut aqutsisoqarfimmi Nukleart Beredskabimi pisortaq Steen Nordstrøm taamatut oqaluttuarpoq.
- Soorunami Ukraine atomip nukinganik nukissiorfeqarmat immikkut ittumik malinnaaffigaarput. Sorsunneq allartimmalli malinnaaffigilerparput, taanna oqarpoq.
- Ajutoortoqassappat kalerriisinnaasariaqarpugut. Erseqqissaatigerusupparali Zaporizjzjami atomip nukinganik nukissorfik saassunneqarmat atomreaktorit arfiniliusut ajoqusersimanerannik takussutissaqanngitsoq.
Kalerriisoqassasoq
Upalungaarsimanermut Aqutsisoqarfik qinngornerit annertusisimasut uuttortarpagut, Danmarkimi innuttaasut kalerrinneqassapput.
Tamatuma kingornatigut qinngornerit Danmarkimut eqquisinnaasut malinnaaffiginiarlugit qinngornerit siammarfigisinnaasaat misissuiffigineqassapput.
Anorip sammivia apeqqutaalluni qinngornerit ullup unnuallu ataatsip ingerlanerani nunarsuup avannarpasinnerusortaanut anngussinnaapput.
Qinngornerit Danmarkimut anngutissappata, illup iluaniiginnartoqarnissaanik kalerriisoqassaaq upalungaarsimanermullu aqutsisoqarfiup oqariartuutaanik naalaartoqassalluni, Steen Nordstrøm oqaluttuarpoq.
Illup iluaniikkaanni qinngornernik eqqugaasinnaaneq annikinnerusarpoq.
- Ernumasoqassanngilaq, akerlianik oqartussat pissutsinik malinnaalluarnerat toqqissisimassutigineqassaaq. Atomip nukinganik nukissiorfiit eqqaanni eqqartoqartarnera nalinginnaasuunngilaq, taamaammat immikkut ittumik nakkutiginnippugut, taanna oqarpoq.
Kalaallit Nunaanni qinngornerit annertussusaat nakkutigineqartoq
Aqutsisoqarfik qinngornernik nakkutiginnittuaannarpoq.
Danmarkimi Kalaallillu Nunaanni uuttortaasoqartarpoq, ilaatigullu nunanit allanit, soorlu Det Internationale Atomenergiagenturimit paasissutissanik pissarsiniartoqartarluni.
Russit sakkutuui sisamanngornermi unnukkut atomip nukinganik nukissorfiup eqqaani saassussisimapput. Tallimanngornerullu ullaavani nalunaarutigineqarluni, sakkutuut pineqartumik tiguaasimasut.
Ukrainemi atomip nukinganik katillugit sisamanik nukissiorfeqarpoq. Russit sakkutuuisa nukissiorfiit pingasut allat tallimanngornermi ullup-qeqqata siorna suli pallissimanngilaat.