Pinngortitami ajunaarnersuaq
Ukkusissarmiu: Tupaqqavugut
Enok Skade nunaqarfimmi Ukkusissaninngaanneersup qimarngunneqarnissartik pisaqariaqanngitsoq oqaatigaa. - Kisianni Nuugaatsiami pisumut sunnertisimavugut
- Nuugaatsiami malissuaqarnerata akunneq ataaseq qaangiummat, Ukkusissat malimmit meterimik portutigisumit eqqorneqarpoq.
Taama oqaluttuarpoq Ukkusissarmiu, arfininngornerup unnukkuani malissuarmit eqqugaasumit Nuugaatsiamiit 100 kilometerinit kujasissortaaninngaanneersoq.
- Malissuaq aggertoq tusaratsigut umiatsiat aserunnginnissaat piniarlugit umiatsiagut avalakaatippagut. Umiatsiamillu avalanngitsut sinneri tamarmik aqqunarnissartik pinaveersaartinniarlugu qummut qimarrallutik, Enok Skade taama oqaluttuarpoq.
Taassuma oqaluttuaraa, Nuugaatsiami pisoq tamanit eqqortissimaarutigineqartoq.
- Tupaqqavugut. Uannut assersutiginguma ulluni pingasuni nalunaqquttap akunnerini marluinnaat sinippunga. Sininniapilooqqavunga, nunallu sisooriaannaanera sillimaffigissangipput politiinit piumaffigineqarsimavugut. Taamaattoq eqqissisimavugut, qimarngunneqarnissarpulli pisariaqanngilaq, taanna oqaluttuarpoq.
Nuugaatsiarmiut, Illorsuarmiut Niaqornarmiulli Uummannamut Aasiannulli qimarngunneqarsimalerput.
- Nutaarsiassaanik qanimut malinnaavugut, taakkunanimi pisunut malinnaavugut. Massakkut toqqissisimavugut, eqqarsaatigulli Nuugaatsiamiipput, ullummi tamarluinnaasa taakku tusarfigisarpagut, Enok Skade oqarpoq.