Skip to main content

Ukkusissani ilaqutariinni alianartumik pisoqarsimasoq

Ukkusissani tallimanngormat ikuallattoqarmat inersimasut marluk meerarlu ataaseq ajunaarsimapput.

Ukkusissani Uummannap eqqaaniittumi illu tallimanngormat ullaakkut ullullu-qeqqata siornatigut ikuallappoq, tallimanngormallu ualikkt Kalaallit Nunaanni Politiit nalunaarutigaat, ikuallattoqarnerani ikinnerpaamik inut ataaseq ajunaarsimasoq.

Arlallit maqaasineqarsimapput, taamaammallu suli amerlanerusut ajunaarsimasinnaallutik , politiinit oqaatigineqarpoq.

AAMMA ATUARUK: Nunaqarfimmi ikuallattoqartoq: Inuk ataaseq ajunaarsimavoq

Takunnissimasut arlallit Sermitsiaq.AG-mut ilisimatitsissutigaat, ikuallattoqarnerani inuit pingasut ajunaarsimasut. Arnaq ataaseq, taassuma inooqataa taakkulu meeraat ataatsimik ukiulik ajunaarsimapput, politiilli tamanna inaarutaasumik suli uppernarsarusunngilaat.

Pingasut Nuummut aallarukkasuarneqarsimasut

Kalaallit Nunaanni Politiit tusagassiorfinnut nalunaaruteqarlutik allapput, politiinit paasineqarallarsimasoq Ukkusissani illu ikuallammat ikinnerpaamik inuk ataaseq ajunaarsimasoq allallu marluk ikuallattoqarneranut atatillugu ajunaarsimassagatinneqartut.

- Misissuinerit takutippaat inersimasut marluk meerarlu ataaseq ajunaarsimassagunartut, politiilli taamatut isumaqarneq inaarutaasimik uppernarsaaffigineqarnissaanut misissuisoqaqqinnissaa utaqqimaarpaat, tusagassiorfinnut nalunaarummi allassimavoq.

Inuit allat pingasut Nuummut aallarukkasuarneqarsimapput, illup ikuallannerani ajoqusersimagamik. Taakku tallimanngornermi unnukkut Nuummut apuunneqarput. 

Pinerluttoqarsimanerani misissuisartut toqusimasunillu misissuisartut nunatsinnukartut

Politit tusagassiorfinnut nalunaaruteqarlutik allapput, inuit pineartut taakku pingasut Nuummi napparsimmavimmi katsorsarneqartut.

Politiit ilanngullugu ilisimatitsissutigaat, pinerluttoqarsimatillugu misissuisartut toqusimasunillu misissuisartut Danmarkimiit ikiuukkiartortinneqartut, taakku ikuallannermut pissutaasoq paasiniassavaat toqusimasullu misissorneqarnerannut ikiuutissallutik.

Aamma Nuummiit Ilulissanillu misissuinermi ikiuuttussanik aallartitsisoqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER