tusarniaaneq
Ukiuunerani tuttunniartarneq umimmanniartarnerlu tusarniuutigineqartut
Aalisarnermut Piniarnermullu Naalakkersuisoqarfiup 2018-ip ukiuunerani tuttut umimmaallu qanoq amerlatigisut pisarineqarsinnaanerinut siunnersuut tusarniuutigaa.
Annonse
Ukiuni arlalissuanngortuni tuttunik umimmannillu kisitsisoqarsimanngitsoq Naalakkersuisoqarfik paasissutissiivoq, taamaammat mianersorneq tunngavigalugu ingerlatsisoqarusuppoq.
Maannakkut aatsaat Piniarfik 2-mi Sisimiut - Kangerlussuaq aamma Piniarfik 3 Akia - Maniitsoq, tuttunik kisitsivigineqarnissaat Pinngortitaleriffiup pilersaarutigaa.
Tuttutassiissutit 1.2.-15.2. 2018
- Naternaq: Tuttutassiissutit 100-ut
- Sisimiut-Kangerlussuaq: Ammasoq
- Akia-Maniitsoq: Tuttutassiissutit 200-ut
- Ameralik: Tuttutassiissutit 100-ut
- Qeqertarsuatsiaat: Tuttutassiissutit 100-ut
- Qassit: Tuttutassiissutit 100-ut
- Neria: Tuttutassiissutit 100-ut
- Nuussuaq: Tuttutassiissutit 100-ut
Naalakkersuisoqarfik piniartunut erseqqissaassutigaa, tuttunik umimmannilluunniit malersuinermi qamuteralaat ATV'llu atorneqarnissaat inerteqqutaasut.
Umimmatassiissutit 10.1.-15.2. 2018
- Aqutsiveqarfik Maniitsoq: Piniarfik 1-imi umimmatassiissutaapput 50-it. Piniarfik 2-mi piniartoqassanngilaq. Piniarfik 3-mi angutivissat 270-it arnavissallu 180-it pisarineqarsinnaapput.
- Ingerlatsivik Sisimiut, Ivittuut aamma Sigguk: Matoqqapput
- Ingerlatsivik Ittoqqortoormiit: Inuussutissarsiutigalugu aamma sunngiffimmi piniartut martsi naallugu ingerlanneqassaaq umimmatassiissutillu 60-iupput
- Ingerlatsivik Qaanaaq: Aalajangiiffigineqareersimasutut 15. april tugaanut ingerlassaaq, Nuna Inglefield-imut Nuna Prudhoe-mut kiisalu Qooqqunnut umimmatassiissutit sinneruttut pineqarlutik.
Siunnersuut takujuk piniarfiillu sumiiffii takullugit
Naalakkersuisoqarfiup paasissutissiaraa, tusarniaanermut killigitinneqartoq tassaammat 17. november.