Ukiuunerani saarullinniarneq annertunerulertoq
Saarulliit akiisa qaffannerat Qeqertarsuup Tunuani sumiiffiit ilaanni ukiuunerni saarullinniarnerup annertunerulerneranik kinguneqarpoq. Sumiiffiilli ilaanni saarulleqarluaraluartoq, sumiiffiit ilaanni saarulleqanngingajavissoq aalisartut oqaatigaat.
Ukioq manna ukiuunerani sikukkut imaatigullu saarullinniarneq ukiut siuliinut naleqqiullugu
annertunerusumik ingerlanneqarpoq, tamannalu saarulliit akiisa qaffasinnerulernerannik
pissuteqartoq.
Sumiiffimmiilli sumiiffimmut saarulleqassuseq assigiinngitsorujussuusoq, aalisartut aalisakkeriviillu oqaatigaat.
Aviisi Sermitsiaq allappoq.
Qeqertami saarulleqarluartoq
Qeqertami Ilulissat avannaaniittumi qaleralinniarneq pingaarnertut inuussutissarsiutaavoq,
taamaakkaluartoq tamaani ukiut siulii assigalugit ukioq manna ukiuunerani sikukkut ningittakkanik qassutinillu saarullinniarneq annertuumik ingerlanneqartoq, Qeqertami aalisartoq piniartorlu Hans Henrik Broberg oqarpoq.
- Qeqertami aalisartut tamangajammik nunaqarfiup qanittuani ukiuunerani saarullinniarneq
tamakkiisumik ingerlappaat.
- 200 meterit sinnilaarlugit ititigisumi ningittakkani ataatsini oqummersat 250-it tungaannut
atorlugit saarulliit niaquerlugit erlaveerlugillu ilaatigut 300 kilo missaani ullormut
tunineqarsinnaasarput. Saarullinnik tunisinermi kilomut 13,25 kroneqarput, tamannalu ukiuunerani aningaasarsiornermut annertuumik iluaqutaavoq, taanna oqarpoq.
Allaaserisaq tamarmiusoq Sermitsiami saqqummertumi kingullermi uani atuaruk:
