Ukiuunera aqqusinernut immikkut sakkortusimavoq
Nuummi aqqusernit ukiup ingerlanerani naliginnaasumiit nungullarnerusimapput. Tamatumunnga arlalinnik nassuiaatissaqartoq, Kommuneqarfik Sermersooq paasissutissiivoq.
Ingerlatsivimmi pisortaangallartup Ivan Falck Petersenip qularutiginngilaa, Nuummi aqqusernit siornarniit iluarsartuunneqarnerussasut.
Ukiuunerani aqqusernit aseruaatitsisimanerannut putoortitsersimanerannullu marlunnik pissuteqarpoq.
Pissutaasoq
- Ukiaanerani naliginnaasumiit aqqusernit aputeqarpallaarsimanngillat. Biilillu 4.000-it sinneqarput taakkulu quaannaveequteqarput asfaltimut nungullarsaataaqataasunik, Ivan Falck Petersen Sermitsiaq.AG-mut nassuiaavoq.
Nassuiaat alla tassaavoq, illoqarfimmi sanaartortoqangaatsiarnera, lastbiilimmi asfaltimut aamma nungullarsaaqataasarput.
Pingaarnersiuineq
- Sumi ajortoqarnerpaanerata takusinnaalernissaa maajip qaammataani pinissaa naatsorsuutigaara, tamatuma kingorna sorliit pingaarnersiorneqassanersut aalajangerneqassaaq, ingerlatsivimmi pisortaanerungallartoq paasissutissiivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...