Ukiut qulit ingerlareersut: Takornariartitsisartoq sukisaarsaatigalugu aalisartitsisarnissamut akuersissummik tunineqartoq

Nuuk Adventure Nuup Kangerluani sumiiffimmi ataatsimi ukiuni tallimani sukaarsaatigalugu aalisartitsisarnissamut akuersissummik tunineqarsimavoq

Akuersissut Nuup Kangerluata avannamut kitaatungaaniittoq fem kvadratkilometerisut annertutigivoq, Nuuk Adventurilu naapertorlugu niviugaasalerluni eqalunnik qissattarnissamut periarfissaqarluartutut ilisimaneqarpoq.

Akuersissut malillugu Nuuk Adventure kisermaassillu sumiiffimmut takornarianik aalisariartissinngorpoq. Najukkamili najugaqartut allallu sumiiffimmi suli aalisarsinnaapput.

Naalakkersuisut akuersissummik Nuuk Adventure ukiuni tallimaniugallartoq atorneqartussamik tunisimavaat, Michael Rosingilluu Nuuk Adventuremeersup kiisami akuersissummik pissarsisimanertik nuannaarutigaa:

Ukiut qulit matuma siornatigut qinnuteqarsimasoq

- Ukiut qulit matuma siornatigut akuersissummik siullmeerlunga qinnuteqarpunga, taamaammat kiisami pissarsiaringatsigu nuannaaqaanga, Michael Rosing Nuuk Adventuremik piginneqataasoq oqarpoq.

Nuuk Adventure kisermaassilluni takornarianik sumiiffimmut angallassisinnaatitaalerpoq.

- Ukiorpassuarni tamanna kissaatigisarsimavara. Eqqarsaatigisarsimasarpullu tassaavoq, sumiiffik suliffeqarfiup sukarsuisa ilagissagaat. Niviugaasalerluni qissattarfissaqqissuuvoq, takornarianut nunanit allaneersunut nittarsaanneqarsinnaasoq, pitsaalluinnartumillu tunisassiaqarsinnaavugut, Michael Rosing oqarpoq.

Illuaraqarnissamut inerteqquteqarneq uggornartoq

Akuersissummik tunineqarneq nuannaarutaagaluartoq aamma nuannerpallaanngitsortaqarpoq. Nuuk Adventuremi sumiiffimmi illuaraliornissamut itigartitaasimavoq, tamnannalu Michael Rosinngip uggoraa.

Tassami Nuuk Adventure ukiut tamaasa tupeqarfinnik nappaasariaqartassaaq, takornariartitsinissarlu sioqqullugu takornariartitsinerullu naanerani atortunik tamanik assartuisariaqartassalluni.

- Aallartisarnermi takornarianik sumiiffimmukartitsiinnartarnissaq eqqarsaatigalugu suliassarpassuupput, Michael Rosing oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS