Skip to main content

Ukiut marluk ingerlanerini ingerlariaqqiffiusumik ilinniarnermik aallartitsisimasut ikinnerusut

Inuusuttut ukiut ilinniarnertuunngorniarfimmi soraarummeernerup kingorna ingerlariaqqiffiusumik imaluunniit inuussutissarsiornermik ilinniakkamik aallartitsisartut, ukiut qulit ingerlanerini 80 procentinit 60 procentinut appariarput. Illuani amerlanerit ilinniarnertuunngorniarfimmit ilinniagaqalerput.

Ilinniarneq maani nunatsinni siuariartornissamut aqqutissaavoq, Aningaasaqarnermut Siunnersuisoqatigiit taama naliliipput. Inuusuttut ilinniarnertuunngorniarnerup ilinnialeqqinnissamut piareersarfiusumik nalilerneqartup kingorna, ingerlariaqqiffiusumik ilinniakkamik aallartitsisarnerat qanoq ingerlanersoq, Naatsorsueqqissaartarfik qanittukkut naatsorsukkaminik saqqummiussivoq.

Amerlanerit ilinniarnertuunngorniarfimmit soraarummeertalersimanerat nutaarsiassatsialaavoq. Akerlianilli inuusuttut ukiut marluk ingerlanerini ingerlariaqqiffiusumik ilinniakkamik ukiut marluk ingerlanerini aallartittartut, ukiut arlallit ingerlaneri isiginiassagaanni ikileriarujussuarnerat nutaarsiassatsialaanngilaq.

Naatsorsueqqissaartarfiup kisitsisaatai naapertorlugit, ilinniartut 2018-imi ilinniarnertuunngorniarfimmi soraarummeertut 48 procentii, ukiut marluk ingerlanerini ingerlariaqqiffiusumik ilinniakkamik aallartitsipput.

27 procentpointinik appariartut
- Tamanna ukiup siuliani naammassinnissimasunut naleqqiullugu 5 pct.-inik qaffariarneruvoq. Ukiulli tulleriit ingerlanerini annertussusaat appariartorsimavoq, 2008-milu ilinniarnertuunngorsimasunut naleqqiullugit 27 pct.-inik appariarsimallutik, tassani ilinniartut ukiut marluk ingerlanerini ingerlariaqqiffiusumik ilinniarnermik aallartitsisimasut 75 pct.-iummata, Naatsorsueqqissaartarfik allappoq.

Inuussutissarsiornermik ilinniarfinnut tunngatillugu assingusumik pisoqarpoq:

- 2018-imi ilinniarnertuunngorsimasut 12 pct.-ii inuussutissarsiornermi ilinniakkanut ingerlaqqissimapput. Ataatsimullu isingalugu 2008-miit 2018-imut ilinniarnertuunngorsimasut ukiut marluk ingerlanerini ingerlariaqqiffiusumik imaluunniit inuussutissarsiornermi ilinniarnermik aallartitsisimasut 80 pct.-iniit 60 pct.-imut appariarsimapput.

Ingerlariaqqiffiusumik ilinniakkani aallartitsisartut annertussusiisa appariarnerat ilinniarnertuunngortut amerlassusaannut naleqqiullugu naatsorsorneqassasoq, Naatsorsueqqissaartarfiup maluginiaqquaa.

- Piffissami 2010-miit 2014-imut ilinniarnertuunngorniarnermik ukiunik pingasunik sivisussuseqartumik naammassinnissimasut amerlassusaat 56 pct.-inik qaffassimapput, ingerlariaqqiffiusumilli ilinniarnermik aallartitsisimasut ukiumi siuliani aallartitsisimasutulli annertutigipput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER