Narsaq

Ukiup naanerani Narsami arpatsitsineq

Ukiutoqqami arpattartut peqatigiiffiat Narsami Arpattartut ukiumoortumik timigissaatigalugu arpatsitsivoq

Narsami ukiutoqqami arpatsitsinermi ajugaasut. Qiterleq Suka Frederiksen talerperlerlu apuuteqataa Eskild Godtfredsen. Saamerliuvoq Eskildip nulia Thora Godtfredsen, normu 3-ngortoq

Oqaatigilluaannarlugu Kujataani issittorujussuuvoq.

Decembarip 31-anni ullaakkut avannaq-kanannamik anorlerunnaarsimagaluartoq Narsami suli issittorujussuuvoq.

Peqataasut ikittuinnaat

Tamanna pissutigigunarlugu ukioq manna ukiutoqqami Narsami Arpattartut arpatsitsinerani peqataasut amerlavallaanngillat. Peqataasullu qiiajumanatik sukkasuumik arpattariaqarput.

Champagne

Ajugaanissaq pineqarnerunngilaq, ikinngutilli arpaqatigisartakkat ukiumi naggataaqatigalugit nuannisaqatiginissaat pineqarnerulluni.

Taamaattumik aalajangersimasumik isorartussusilimmut arpattoqanngilaq, illoqarfik kaajallanneqaannarpoq, tamatumalu kingorna peqataasut champagnemik skåleerlutik ukiortaami imminnut pilluaqqupput.

Ajugaapput Suka Frederiksen aamma Eskild Godtfredsen ´ingiaqatigiillutik apuuttut´, tullersortigalugu Eskildip nulia Thora Godtfredsen.

Powered by Labrador CMS