Nersornaat sølviusoq

Ukiuni 45-ni tunniusimalluni sulisimasoq nersornaatisinneqarpoq

Inatsisartut Siulittaasuata Lars-Emil Johansenip ulloq 15. august 2017 Maaliannguaq Svendsen, Qeqertarsuaq, sølviusumik Nersornaaserpaa.

Nersorsiineq taassuma ukiorpassuarni nersortarialimmik innuttaasunut suliaqarsimianeranut pissuteqarpoq.

- Kæmnereqarfiup allaffiani, kingusinnerusukkut kommunip allaffinngortumi, arnat atorfillit siulliit ilagisimavaatsit, tassanilu ukiuni 45-ni qasusuillutit tunniusimallutillu sulisimallutit, Lars-Emil Johansen nersornaasiinermi oqarpoq nangillunilu:

- Ukiuni aqqaneq-marlunni kommunalbestyrelsimut ilaasortaasimanivit, ilaatigut isumaginninnermut ataatsimiititaliami suleqataallutit, nunaqqaternit tatigineqarnerit ersersippaa. Ullumikkut utoqqaliarsaalereeraluarlutit suli utoqqaat timersortartut peqatigiiffiannut siulittaasuuvutit, taamatullu aamma peqatigiiffippassuarni allani, ilaatigut innarluutillit peqatigiiffianni, Neriuffimmi Illerfissarsiutileqatigiinnilu, siulersuisut sulinerannut peqataasarsimallutit.

Powered by Labrador CMS