Skip to main content

Ukiuni 40-ni nalliuttorsiortoq Qeqqata Kommuniata nalliuttorsiutigaa

Kirsten Bødker naalagaaffimmi, Namminersorlutik Oqartussat aamma kommunit ataanni ukiuni 40-ni sulisimanini tallimanngormat nalliuttorsiorutigaa. Ulloq Qeqqata Kommuniani qinikkat ataatsimiittarfianni nalliuttorsiutigineqarpoq

Kirsten Bødker naalagaaffiup, Namminersorlutik Oqartussat aamma kommunip ataani sulinermini nalliuttorsiorpoq, tamannalu Qeqqata Kommuniata ataatsimiittarfiani nalliuttorsiutigineqarluni.

Ukiuni 40-ni pisussaaffimminik naammassinnittarneranut, tunniusimanermigullu nukissanik allanut tunniussisarneranut Borgmester Malik Berthelsen-ip pilluaqquaa, naqissuserlugulu inuiaqatigiinni sanngiitsunik ukiuni taamak amerlatigisuni sulissagaanni imminerminit nukippassuarnik pisariaqarmat, kommuni tusagassiuutinut nalunaarummi allappoq.

Danmarkimi sumiiffinni assigiinngitsuni sulereerluni, Kirsten Bødker 2006-imi Nuup Kommuneani / Kommuneqarfik Sermersuumi atorfinippoq. Tassani 2016 tikillugu, atorfiit assigiinngitsut, soorlu Innarluutilinnut immikkoortumi pisortatut aamma Ingerlatsiviit Oqartussaqarfiini Pisortatut sulisimalluni.

2016-imi Qeqqata Kommuniani innarluutilinnut immikkoortortaqarfimmi aqutsisunngorpoq, 2017-imiillu ilaqutariinnermut pisortaagallarnikuulluni.

Kirsten Bødker nukissaqarluni nuannaarlunilu suliartortorneranut, Malik Berthelsen'ip nersualaarpaa.

- Ukiormanna 65-iliigaluarlunga neriuutigaara ukiut arlallit suli maani kommunimi suliumaarlunga, uummatikkummi isumakkullu suli inuusullunga misigisimavunga, Kirsten oqalugiarnermini ilaatigut taamak oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER