pilluarit!
Ukiuni 40-ni innaallagialerineq
Therkild Lyngep ukiuni 40-ni nalliuttorsiornera Nukissiorfiit nalliuttorsiutigaa.
El-installatøritut Therkild Lynge 1977-imi 31-nik ukioqarluni Grønlands Tekniske Organisationimi (GTO), 1993-imilu Nukissiorfinnit ingerlanneqalersumi, sulilerpoq. Taamanili suliffeqarfimmi suliarisarsimasai assigiinngitsuupput aamma akisussaaffeqarfigisagai assiginngitsuullutik.
Ullumikkut Therkild Lynge Qeqertarsuarmi, Nunap Immikkoortuani Diskomi, teamlederitut atorfeqarpoq.
- Therkild Lynge ilisimasalerujussuuvoq aamma arlalinnik piginnaasaqarluni Nukissiorfiit atuisunut aamma sulisuinut iluaqutaasunik. Inuttut atugarisaatigut piginnaasaqarluartuuvoq qungujunnartunik nuannarisaqarluni suleqataavorlu suliffeqarfik tamakkerlugu pingaartinneqarluni. Nammineq pingaartitaraa suliassat tamarmik piffissaq eqqorlugu aamma pitsaalluinnartumik naammassineqarnissaat, Mogens Nielsen Nukissiorfinni teknikkimut pisortaq oqarpoq, nangillunilu;
- Therkild Lynge ukiuni 40-ni sulisimanermini piffissap ingerlanerani aaqqissuussaanermut aamma inuiaqatigiit piumasarisaannut naleqqussartarsimavoq. Nammineq piumassuseqarnini tunngavigalugu ilinniakkat aamma pikkorissarnerit ingerlattarsimavai, taamatullu Therkild Lynge suleqatigisaminut aamma lærlinginut pisariaqartitsisunut kinguneqarluartunik siunnersuisinnaasarpoq aamma ilitsersuisinnaalluni.
Therkild Lynge ulloq taanna Namminersorlutik Oqartussanit allagartamik nersornaatissamik tunineqassaaq, pisortani aalajaalluni sulisimanerminut nersorneqarluni.