Nuuk
Ukiumi tusarnaartitsinerit kingulliit ingerlanneqartarnissaat suleqatigiissutigaat
Kulturip illorsuani Katuami ukiumi tusarnaartitsinissaq kingulleq taamaatiinnarneqarpoq inatsisikkut piumasaqaatit piffissaaleqinerlu pissutigalugit
2015-imi Katuami tusarnaartitsinissaq kingulleq, decembarip 30-anni pisussaagaluartoq, piffissaq sivikitsoq atorlugu taamaatiinnarneqarpoq.
Tamatumunnga pissutaavoq ulluinnaap kingorna unnuap qeqqata kingorna imigassanik sassaallernissamut inatsisikkut periarfissaqannginnera, taamaattumillu Kommuneqarfik Sermeresuup akuersissut allanngortittariaqassallugu.
Programmi allanngortinnagu
– Uggornarteqaarput tusarnaartitsinissaq taamaatiinnartariaqarsimagatsigu. Naliliisimaguvulli tusarnaartitsinissaq ullunik marlunnik sioqqullugu programmi allanngortinneqarsinnaanngitsoq, tusarnaartitsinermut programmi tusarnaariallu tusarnaartitsinermit misigisassaat allanngortinnagit, Katuap pisortaa Julia Pars tusagassiorfinnut nalunaarutikkut paasissutissiivoq.
Maalaaruteqarfissaq
Kommuneqarfik Sermersuumi pisortaanerup Steffen Ulrich-Lyngep erseqqissarpaa ukiumi ulluni kingullerni Katuami tusarnaartitsisarnermik ileqqoq attatiinnarniarlugu kommuni siunissami peqataalluarniartassasoq.
– Namminersorlutik Oqartussanut inatsimmut maalaaruteqarnissamut periarfissaqarpoq. Periarfissaq tamanna Katuap piffissaaleqineq pissutigalugu atorsimanngilaa. Periarfissarli tamanna siunissami atorniarneqassappat tapersersuissaagut. Tusarnaartitsisarnermi ileqqunngorsimavoq, innuttaasut ilarpassuisa nuannarilersimasaat, Steffen Ulrich-Lynge tikkuaavoq.
Sapaatip akunnerata naanerani
2016-imi 2017-imilu decembarip 30-at sapaatip akunnerata naanerani inissisimasassaaq. Taamaattumik Katuaq ulluni taakkunani unnuap qeqqata kingorna immiaaqqanik sassaallernissaminut immikkut akuersissummik qinnuteqartariaqanngilaq.