soraarnerussutisiat
Ukiumi nutaami PFA Soraarneq matussaaq
Maanna aalajangiutivinneqarpoq: Ukiup naanerani PFA matussaaq, sullinneqartullu soraarnerussutisiaasa sillimmataat Danmarkimut nuunneqassapput
PFA Soraarneq ukiortaamiit matussaaq, tamannalu pippat tassani sullissaasut PFA Pensionimut nuunneqassapput. PFA Pension tusagassiuutinut nalunaarummi allappoq.
Ukiortaamiit PFA Pensionimit sullinneqartut nuunneqassappit, kingornalu PFA Soraarneq matuneqassaaq.
Nuunneqarnera januaarip aallaqqaataatinnagu pisussaanikuugaluarpoq, kisianni Danmarkimi Finanstilsynip tamanna unitsippaa.
PFA Pension naapertorlugu sullinneqartut allanik aaqqiissutinik piumasaqarnerat pissutigalugu matusineq pivoq.
- PFA Soraarneq ukiuni kingulliunerusuni sullissanit aaqqiissutinik nutaanik pilersitsinissamik aammalu aaqqissutinik digitaliusunik pisariaqartitsineq pillugu ujartuiffigineqarluni saaffigineqartalersimavoq, Niel Nielsen, PFA Soraarnermi siulersuisuni siulittaasoq oqarpoq..
- Saaffiginnissutit taaneqartutut ittut naammasserusuppagut, taamalli iliussagaani ineriartortitsinissaq pisariusuullunilu akisuujussaaq, kissaatiginngilarpullu sullissatta aningaasartuutinik qaffanneqartunik akilersuissanngortinneqarnissaat.
- Taamaattumik PFA Soraarnermi siulersuisut aallartitaasullu ataatsimeersuarnerminni inassutigisimavaat PFA Soraarnermi sullissaasut PFA Pensionimut nuunneqarnissaat, tassanimi periarfissat ujartorneqartut inerisarneqarernikuummata.
PFA Pensionimut ikaarsaarneq ukiup nikinneranit pissaaq, tamannali pitinnagu PFA Pensionip suliffeqarfiit suliniaqatigiffiillu soraarnermusiaqartitsinissanik aaqqiissusiorsimasut oqaloqatigissavai.
Nuunnissallu tungaanut PFA Soraarneq soraarnermusiassanik ingerlatsisutut inerlaannatallassaaq, kisiannili tamatuma kingorna inuunermik sillimmasiisinnaanermik ingerlatsisuujunnaassalluni.
PFA Soraarneq ulloq 26. april 2017 ileqquusumik ataatsimeersuarmat aalajangiineq pivoq, nikinnissarli aatsaat piviusunngortinneqarsinnaavoq Finanstilsynet aamma Erhvervsministeriet sillimmasiisimasut sinnerlugit akuersippata, tamannalu piffissaliussaasut iluini piumaartoq naatsorsuutigineqarpoq.