Skip to main content

Ukiortaami ilassinninneq: Kim inuusuttunut oqariartuumminik uteqqiisoq

Ippassaq Københavnimi kalaallit ukiortaami ilassinnipput

Naalakkersuisut Siulittaasuat Kim Kielsen (S) Københavnimi Kalaallit Nunaata Sinniisoqarfiani ukiortaami ilassinnippoq

Eqqortumilluunniit oqaatigalugu, marloriarluni ilassinnippoq. Siulleq pisortatigoorneruvoq, tassunga ilaatigut naalakkersuisut allat nunallu allat aallartitaat qaaqquneqarsimallutik. Tassani Kim Kielsen nunanullu allanut tunngasutigut Naalakkersuisoq Ane Lone Bagger aallartitaqarfinnit sinniisorpassuit takkussimanerannik nuannaaruteqarput.

Danmarkimi naalakkersuisut sinnerlugit illersornissamut ministeri Trine Bramsen nunanullu allanut ministeri Jeppe Kofod peqataapput.

Kingusinnerusukkut 'Kalaallit Nunaata ikinngutai' ilassineqarput, tassani persuarsiunnginnerusumik ingerlatsisoqarpoq nuannersumillu naapeqatigeeqqittoqarluni.

Tassanili persuarsiunngittoqaannanngilaq, Kim Kielsenimmi ukiortaami oqalugiarami oqariartuutimi ilarpassui uteqqippai. Minnerunngitsumik inuusuttunut oqariartuutini.

- Inuusuttut oqarfigerusuppassi – utoqqartagut toqqissillutik utoqqalissappata taava sapiissuseqarnersi takutissiuk, ​​​​​​​qajavissuit kinguaavisut​​​​​​​. 

-​​​​​​​ Taqigasi,​​​​​​​ tunniutiinnarasi,​​​​​​​ makigitsi.

- Sapinngilasi.

- Ilinniaritsi, nunatta pisariaqartippaasi.

-​​​​​​​ Nunarput ingerlaqqittariaqarpoq,​​​​​​​ nunarsuarmioqatigiit akornganni unammillersinnaasariaqarpoq.

-​​​​​​​ Nunarput,​​​​​​​ nunarsuarmi qeqertat annersaat – Kalaallit Nunaat – tassa pissarsi – ilissi, allat pinnatik – nunassarsi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER