Peqqinneq
Ukioq manna nakorsat tallimaagaangata ataaseq taarserneqartarsimavoq
Nakorsat peqqissaasullu arlalippassuit ukiorpassuani atorfimminni atorfeqartarput. Kisianni aamma tamakkoqarpoq sukkanerusumik ingerlaqqittartunik. Maannakkorpiaq aningaasartuutit peqqinnissaqarfimmi paalatsinut aammaarlutik amerliartorput
Peqqinnissaqarfimmi sulisut paarlakaatiinnavipput.
Tamanna sulisussarsiortarneq sulisunillu tigumminniinnarnissaq pillugu misissuinermi Naalakkersuisut ukiaanerani Inatsisartut ataatsimiinnginneranni Inatsisartunut ilaasortanut 31usunut nassuiaatip imartuup nassiussuunneqartup kisitsisitaani takuneqarsinnaavoq, AG aviisi allappoq.
Nassuiaat aamma peqqinnissaqarfimmi suliassat unammillernartut ippinnartut AGmi misissorneqarsimapput.
Nalunaarusiaq naapertorlugu taamaalillutik 2017imi qaammatini siullerni pingasuni isumaginninnermi suliassaqarfiusumi pingaarutilimmi sulisut 20 procentii taarserneqarsimapput.
Tamakku nalinginnaasumik tassaapput nakorsat, nakorsaanerit, peqqissaasut juumuullu taarserneqakulanersaasut – aamma ingammik nakorsat peqqissaasullu.
Paarlatsinut aningaasartuutit amerliartuinnarput
Nassuiaammi ukiuni arlalinni paarlatsinut matussutissatut aningaasartuutit ikiartupiloorsimagaluartut maannakkut killormut ingerlalersimapput.
- Paarlatsissarsiortarnerit ukiumiit ukiumut allanngorartorujussuusarput; ukiuni kingullerni paarlatsissat piumaneqaleraluttuinnarsimasut Peqqissutsimut Pitsaaliuinermullu Aqutsisoqarfimmit paasissutissiissutigineqarpoq.
Allaaserisaq AG aviisimi tamakkerlugu atuaruk, aviisi uani pisiariuk: