Nuuk
Ukioq kingulleq naluttarfik aatsaat taama isertoqartigaaq
Nuummi naluttarfik ukioq kingulleq aatsaat taama iserfigineqartigaaq - meeraanerusut nalukkiarnerulersimapput.
Nuummiut Malimmut nalukkiartartut amerliartorput.
Naluttarfimmiissimasut meeqqat 15.000-niit 29.000-nut amerlinerusimapput , taamaalillunilu marloriaatingajammik amerlanerulersimallutik.
Aammattaaq inersimasut amerlanerusut naluttarfimmukartarsimapput, inersimasummi 2015-imi 17.000-oriarlutik 2016-mi 22.000-nngorsimapput. Agguaqatigiisikkaanni inersimasut ullormut 265-it isertarlutik
Atuaruk: Meeqqat inuusuttullu aappaagu akeqanngitsumik nalussinnaassapput
Innarluutillit aammalu utoqqaat annerusumik sammineqassapput
Amerlatsinnerup takutippaa kommuuniminngaanniik aalajangiineq meeqqat akeqanngitsumik isersinnaalernerat ulluinnarni sunniuteqarluarsimammat, naluttarfimmi aqutsisoq Poul Petersen tusagassiuutinut nalunaarummini taama oqarpoq.
Inuit nalukkiartartut amerlatsinnerat nuannaarutigaa
- Nuannaarutigeqaarput kisitsisit takungatsigit, nalusimanngilarput ukiup ingerlanerani pulaartut amerlatsissimanerat, kisiat nuanneqaaq suliagut neqeroorutillu naluttarfimmi innuttaasut nuannarimmatigit, taama oqarpoq naluttarfimmi pisortaq Poul Petersen.
Ukioq manna innarluutillit aammalu utoqqaat annerusumik sammineqassasut erseqqissaatigaa.