Ukioq alianartoq: Inuit 13-it imaatigut angalanerminni periarfeerunneqarput

2017 imaatigut angalasunut ukioq nalinginnaanngitsumik peqqarniitsuuvoq.Sisamat ajunaarsimasut nassaarineqarput, 13-illu ajutoornerit kingorna tammaaneqarlutik

Imaatigut angallannermi ajunaartut amerlassusaat 2017-imi amerleriarujussuarput. AG aviisi kingullermi saqqummertumi taama allappoq.

Ajunaartut ataatsimut katillugit 17-iupput. Taakkunannga 14-it tammaaneqartutut nalunaarutigineqarlutik, sisamallu immamit qaqinneqarsinnaasimallutik.

Ukiumoortumik nalunaarusiaq

Tamanna umiarsuarnik timmisartunillu angallannerup Kalaallit Nunaanni imaatigut timmisartunilllu annaassiniarneq pillugu ukiumoortumik nalunaarusiaani, Folketingimi illersornissamut ataatsimiititaliamut tunniunneqarneranut atatillugu maanna tamanit pissarsiarineqarsinnaalersumi, atuarneqarsinnaavoq.

Tamatuma saniatigut kisitsisitigut paasissutissani takutinneqarpoq, inuk ataaseq nunakkut tammaaneqartutut nalunaarutigineqarsimasoq.

- Inunnit 18-it 2017-imi annaanneqanngitsoortunit 14-it suli nassaarineqarsimanngillat, tamannalu 2016-imut sanilliullugu annertuumik qaffariarnerulluni, ukiumoortumik nalunaarusiami erseqqissaatigineqarpoq.

Amerlanerit imartani periarfeerunneqartartut

Nalunaarusiami Kalaallit Nunaanni ukiuni qulingiluani kingullerni pinngortitami tammaaneqartut ajunaarsimasullu amerlassusaat kisitsisinngorlugit ilanngunneqarput. Inuilaami inunnik akuttunngitsumik periarfeeruttoqartarpoq, amerlanertigulli ajutoornerit kangerlunni sinerisallu imaartaani pisarlutik.

Allaaserisaq AG aviisimi tamaat atuaruk. Aviisi uani pisiassaavoq:

Powered by Labrador CMS