Ukiakkut ataatsimiinneq aallartittoq: - Múte aporfissarpassualimmi siuttuuvoq
Inatsisartut ukiakkut ataatsimiinnerat aqqanernut aallartissaaq, tassani Naalakkersuisut Siulittaasuat Múte B. Egede (IA) ammaanersiorluni oqaaseqassaaq. Nunani tamalaani qularnartumik inissisimasoqarnera siulittaasup ukiaq manna qitiutitsineranut sunniuteqassasoq, politikkikkut malinnaasup aaqqissuisuunerullu nalilerpaa.
Naalakkersuisut Siulittaasuat Múte B. Egede (IA) 2021-mi upernaakkut qinersisisoqarmakku ammaanersiorluni oqaaseqarnerminit aappassaa ammaanersiorluni oqaaseqassaaq.
Siorna ammaanersiorluni oqaaseqarnermi coronap nunarsuarmi tuniluunnera nunani tamalaani ajornartorsiutaanera sammineqarpoq. Ukioq manna tuniluuttoqarsimanera ajorluinnartumik pisoqarneranik taarserneqarpoq - Ukrainemi sorsuttoqarnera, nunami innuttaasunut ersiortitsernerup saniatigut aningaasaqarnikkut annertuumik nalorninartorsiortitsilersimasoq, minnerunngitsumillu akinik qaffatsitsingaatsiarsimasoq.
Politikkikkut malinnaasartoq aviisimilu AG-mi aaqqissuisuuneq Christian Schultz-Lorentzen isumaqarpoq, nunani tamalaani nalorninartorsiortoqarnera Naalakkersuisut siulittaasuata ukiaq manna qitiutillugu oqaaseqarfigissagaaa:
Inissisimaneq naatsorsoriminaattoq
- Múte B. Egedep sammisassaa annertooq tassaavoq, innuttaasut ukiuuneranik toqqissisimallutik qaangiinissaasa qanoq qulakkeerneqarnissaa. Naatsorsoruminaattumik inissisimalertussaavugut, taamaammat sorsuttoqarnerata malitsigisaanik aningaaqarnerup qanoq ineriartornissaa naluarput, Christian Schultz-Lorentzen oqarpoq, nangllunilu:
- Coronap tuniluunnera ilungersunartorsiortitseqqilersinnaavoq, epidemien kan også igen blive en udfordring, og det bliver Múte B. Egedellu piffissami nalorninartorsiorfiusumi nunap ingerlanneqarnissaa ukkatarinerusussaavaa.
Polar Oilip aalajangersimasumik akeqartitsinissamik isumaqatigiissuteqarsimanera pissutigalugu Kalaallit Nunaanni nukissiuteqarnikkut akit qaffappallaarsimanngillat. Isumaqatigiissuulli aappaagu atorunnaartussaavoq:
- Akit allanngoriaannaasut
- Qanoq pisoqarsinnaanera eqqarsaatigineqartariaqarpoq. Piffissammi sivikitsuinnaap ingerlanerani akit allanngorluinnarsinnaanerat naatsorsuutigineqarsinnaavoq. Tamanna qanoq aaqqiissuteqarfigineqarsinnaanersoq piffissaagallartillugu takutittariaqarpaa. Piffissamili sivisunerusumi aaqqiissutissarsiortoqarpat aaqqiissutissarsilluartoqarsinnaanera ilimanarneruvoq, Christian Schultz-Lorentzen oqarpoq.
Aningaasaqarnermut Siunnersuisoqatigiit nunap aningaasaqarnikkut inissisimanera sisamanngornermi saqqummiuppaat. Aningaasaqarneq ingerlalluaraluartow, siunnersuisoqatigiinnit oqaatigineqarpoq, aningaasaqarnikkut ajornartorsiortoqalersinnaasoq aaqqissuusseqqinnissarlu pisariaqartoq.
- Nalunaarusiaq atuarsimagaanni oqaatigisariaqarpoq, sillimaniarnissamut tunngavissaqartoq.
Periarfissat takkussinnaasut
- Múte B. Egede aporfissarpassualimmi siuttuuvoq, aporfissaasinnaasullu tamarmik immaqa takuneqarsinnaanngillaq, Christian Schultz-Lorentzen oqarpoq.
Pitsaasortarisinnaasaali qiviassagaanni, nunani tamalaani ajornartorsiortoqarnera Kalaallit Nunaannut periarfissiisinnaavoq, aaqqissuisuuneq naliliivoq:
- Aatsitassanut akigititaq qaffakkiartorput. EU Kalaallit Nunaanni allaffeqalerpoq, tamatumunngalu peqatigitillugu EU-mi imminut pilersorsinnaaneq salliutikkiartorneqalerluni. Pitsaasumik ingerlatsinissamik siuarsaasinnaagaanni tamanna Kalaallit Nunaannut iluaqutaasinnaavoq - tassunga atatillugu Múte B. Egede aamma sunniuteqarsinnaavoq.