Ukaleq ukiuunerani OL-imut imatut anngunniarniarpoq
Beijingimi ukiuunerani OL-ernissamut qaammatit sisamaannanngorput, Sisoraaserluni ooqattaasartoq Ukale Slettemark ukiuunerani OL-imut anngunnissani siunertaralugu unammisaqattaassaaq.
Kalaaleq sisoraaserluni ooqattaarisartoq 20-nik ukiulik Ukaleq Slettemark Kinap illoqarfiisa pingaarnersaanni Beigingimi aappaagu februaarip sisamaaniit ukiuunerani OL-imut peqataanissaminik anguniagaqarpoq.
Sisoraaserluni ooqattaarisartup danskit ukiuunerani OL-imut anngunnissamut piumasaqaataat naammassisimagaluarpaa, Danmarkili nunatut peqataanissamut kvoteqanngimmat, inissat aqqaneq-marluusut ilaat pissarsiariniarlugu IBU-pointinnanniartariaqarpoq, taakku nunanut kvoteqanngitsunut tunniunneqartarmata.
Inissat qulit unammissutigineqassasut
Nunat 20-t kisimik nunatut kvotenik tunineqartartput. Inissallu marluk Kina-mut OL-ertitsisussamut tunniunneqareersimapput.
Taamaammat imaaliinnaq annguttoqarsinnaaneq ajorpoq.
- Pingaartumik russit, norskit franskillu ilarpassui naalagaaffinnut 'sanngiinnerusunut' nunasisimammata, tamatumalu malitsigisaanik immikkut inissanik qulinik pissarsiniarneq ajornarnerulerpoq , Uiloq Slettemark Nunatsinni sisoraaserlutik ooqattaasartartut kattuffianeersoq ilisimatitsivoq.
Unammisaqattaassasoq
Nunatsinni sisoraaserlutik ooqattaasartartut kattuffianit Sermitsiaq.AG-mut ilisimatitsissutigineqarpoq, Ukale Slettemark IBY-Cup-ini marluusuni siullerne Sverigemi Idre-mi ingerlanneqartussani unammeqataassasoq. Tamatumalu kingornatigut Norgemi Sjusjøenimi aamma Østrigemi Hochfilzenimi Wold-Cup-imi unammeqataassaaq.
Qatanngutini angut Sondre Slettemark peqatigalugu juullip siornatigut IBU-Junior Cup-imi unammeqataassaaq. Ukaleq Slettemark juullip kingorna unammisaqattaarnernut sorlernut peqaataassanersoq, decembarip ingerlanerani aalajangiunneqassaaq.
Ujakkaartartoq Martin Møller aamam freestylemik unammisartoq Laila Friis-Salling kingullermik ukiuunerani OL-ertoqarneranut peqataapput.