Ukaleq Tysklandimi angusarissaartoq

Sisorarluni ooqattaasartartoq tyskit illoqarfinni Arberimi unammeqataagami, ooqattaasarnermini uniugaqanngilaq.

Tyslandimi sisoqarluni ooqattaasarnermi ullumi sisamanngornermi unamminermi Ukaleq Slettemark unammeqataavoq.

Peqataasut 130-it akornanni 16-itut apuuppoq, russimit ajugaasumit Tatiana Akimovamit minutsimik ataasingajammik kigaannerulluni apuulluni.

Unamminermi quleriarluni igeriarnermi Ukaleq Slettemark eqqoriakkani tamaasa eqqorpai.

Unamminernit allanit sisorarluni ooqattaasartartoq 19-nik ukiulik angusarissaarneruvoq. World Cup-imi marloriarluni peqataasareerpoq, tassani normu 96-itut aamma 83-itut apuunnikuuvoq.

Tyskit illoqarfianni Arberimi sapaatip akunnerani matumani sisoraaserluni ooqattaasaarluni unammersuaartoqarpoq.

Powered by Labrador CMS