Ukaleq peqqissisimalluni - World Cupimut peqataanissamut piareersimavoq
Ukaleq Slettemark, Østrigimi inuusuytut nunarsuarmi pissartanngorniunneranni peqataanerminik unitsitsiinnartariaqarsimasoq peqqisseqqissimavoq, maannalu Östersundimi sisoraaserluni ooqattaasarnermi naggataajusumik Wold Cupertoqarnerani tallimanngorpat peqataasinnaanngorsimalluni.
Kalaaleq sisoraaserluni ooqattaasartartoq Ukaleq Slettemark nuakkunnaarsimagami, tallimanngorpat Sverigemiittumi Östersundimi - 7,5 kilomerterisut isorartutigisumi marloriarluni ooqattaasarluni – apuuteqqaanniunnermut unammeqataasinnaanngorsimavoq.
Apuuteqqaanniunneq nunatta nalunaaqutaa malillugu ullaakkut qulingiluat qeqqanut kanalit arlallit aqqutigalugit takutinneqassaaq: TV2, norske NRK kiisalu Eurosport.
Unammersuarnermi pissutsit allaanerusut
- Covid-19-ip atuunnerani unammersuarnermi pissutsit allaanerusimapput, IBU-lli, den Internationale Skiskydnings Unionip, tunillaassortoqarsinnaaneranut illersuuteqartussaanermut sukangasuunik piumasaqaateqarneratigut aamma erseqqissunik malittarisassaqarneratigut pilersaarutaasutut unammersuarnissaq ingerlanneqarsinnaasimavoq, Grønlands Biathlon Forbund tusagassiorfinnut nalunaaruteqarluni ilisimatitsivoq.
- Unammeqataanissannut qilanaarpunga, tuniluuttoqarneranilu angalasinnaallungalu unammeqataasinnaanera nuannaarutigaara, inuusuttoq sisoraaserluni ooqattaasartartoq angusaqarluartarnermigut takutitsilluarsimasoq oqarpoq.