Skip to main content

Ukaleq angusarissaaqqittoq: Ukaleq angusarissaaqqippoq: Norgemi sølvinnappoq

Ooqattaajutigaluni ujakkaartartoq Nuumminngaanneersoq Ukaleq Slettemark takutitsilluaqqippoq. Norgemi inuusuttuaqqat pissartanngorniunneranni unammeqataanermini sølvinnappoq

- Ukaleq Slettemarkip angusani nuannaarutigeqaa, tassami ukiukkut timersuutini kalaallini angusarineqarnikuunngitsunik angusaqarpoq.

Nunatsinni ooqattaajutigaluni ujakkaartartut kattuffiat tusagassiutinut nalunaaruteqarpoq. Norgemi inuusuttut unammineranni tallimanngormat Ukaleq Slettemark sølvinnappoq. Sapaatip akunnerata siuliani nunarsuarmi pissartanngorniunnermi sisamaattut inissippoq.

Norgemi unammeqataanermini 20-arlutik igeriarput, tassani eqqoriakkani sisamat uniorpai. Taamaasilluni angusaata saniatigut 2 minutsinik 15 sekundinillu sivitsorneqarluni.

- Lillehammerimit Maren Bakken pissartanngorpoq. Ujakkaarnertaani Ukalimit sekundini 21-ni kingulliugaluarpoq, igeriarnermili uniorneri ikinnerugamik ajugaavoq, nalunaarutigineqarpoq. Unamminermi bronzennattoq Ukaleq Slettemarkimit minutsit aappaa kigaannerulluni apuuppoq. 

- Ukaleq Slettemarkip angusai Norgemi maluginiarneqarput. Norgemi nunanut allanut unammisartunut sungiusaasunit kattiffiatalu præsidentianit angusaanut pilluaqquneqarneq nuannerpoq, tusagassiutinut nalunaarummi ilisimatitsissutigineqarpoq.

Ukaleq Slettemark Arctic Winter Gamesimut peqataassanngitsoq aamma nalunaarutigineqarpoq.

- Peqataarusukkaluarpoq. Kingullermik peqataanermini ikinngutitaartorluarpoq, kisianni piffissami kingullermi unammeqattaarpoq, qasuersaartariaqalerlunilu. Poorskikkunni GM-imut peqataassaaq, taanna pereeriarpat Norges Cup-imi aamma unammeqataaqqissalluni, Nunatsinni ooqattaajutigaluni ujakkaartartut kattuffiata nalunaarutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER