Uju akunnittarfissamut akisuumut tunngatillugu tunuarterpoq – imaluunniit...
Borgmesterip tulliata Uju Petersenip Nuup nuutoqartanni akunnittarfimmik akisuumik sanasoqarniarnera pillugu IA avissaartuutinnginnerarpaa. Tusagassiorfinnut nalunaarummi nutaami nammineq qanoq isumaqarnini paasiuminaatsilerlugu
Uju Petersen politikkikkut kukkuluttorsimannguatsiarpoq, maanna Sermitsiaq.AG-mi ilanngutassiaq isumaqatinagu oqaaseqarpoq.
Uju Petersenip decembarip pingajuani tusagassiorfinnut nalunaaruteqarnermini erseqqissaatigaa:
”Nuutoqqami akunnittarfiliorniarnerup tusarniaassutigineqarnissaanut akuerseqataasimavunga, sumiiffimmili nutaanik sanaartornisssaq akerlerilluinnarpara”.
Oqaaseqaataa parteeqataata borgmersteriusullu Charlotte Ludvigsenip Sermitsiamut oqaaseqaataanut akerliulluinnarpoq:
”Suliniut assut soqutiginarpoq, kalaallit ilitsoqqussaat nutaaliaasullu assanni ataqatigiissinneqartussaammata. Aamma illoqarfitta ilaani kusanaqisumi nutaaliortoqassaaq”.
Med Charlotte Ludvigsenip nuannaarutiginninnera Uju Persersenillu oqaaseqaatai eqqarsaatigalugit Sermitsiaq.AG-mi imatut qulequtsiisoqarpoq:
IA-mi avissaartuunneq: Uju borgmesterimut akerliusoq
Uju Petersen sisamanngornermi imatut tusagassiorfinnut nalunaaruteqarpoq:
- Tusagassiortup tusagassiorfinnut nalunaarutigisannut nammineerluni qulequtsiisimanera akuerisinnaanngilara.
- Matumuuna erseqqissaatigissavara Kommuneqarfik Sermersuumi Inuit Ataqatigiit avissaartuutinngimmata. Uanga Inuit Ataqatigiillu soorunami Borgmesteritsinnut tapersersuivugut.
- Akunnittarfiliorniarneq maannakkorpiaq tusarniaassutigineqarpoq, tusarniaanerlu 2020-mi februaarip arfineq-aappaata tungaanut ingerlanneqarluni. Inuit Ataqatigiinni aalajangersakkat atuuttut naapertorlugit pilersaarummut tunngatillugu aalajangiitinnata tusarniaanermi akissutit tamaasa misissussavavut.
Gruppi iluaqutiginiarneqartoq
Oqaaseqaateqarnermini IA-mi gruppi iluaqutiginialeriasaarlpaa, namminerlu isummani marlunngormat saqqummiunneqartoq pingaaruteqannginnerarlugu.
Tassa Uju Petersen pineqartumut tunngatillugu qanorpiaq isumaqarnersoq paasiuminaappoq.
Tusagassiorfinnut nalunaarutini kingulleq allarluinnarmik inernilerpaa, tassa politikkikkut imminut pisarisoornini allamut sangutinniarlugu:
- Suliniut eqqarsaatigalugu innuttaasut inussiarnersumik qinnuigissavakka, inuit attaveqaqatigiittarfiisigut kusanarnerusumik oqalliseqqullugit, maannakkorpiarmi oqaatsit ajoraluartumik kusanarpallaanngitsut atorlugit oqallittoqarpoq, tamannami siunertarinngikkaluarpara.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...