Skip to main content

Ujarneqartup politiit Facebookianni allataq oqaaseqarfigisaqattaaraa

Jakob Karlsen, Aasianni pineqaatissinneqarsimasut inissiisarfiannit ataasinngornerup ullaassaani qimaavoq, maannalu ima piffissaqartigaaq, allaat politiit Facebookiminni ujaarinnillutik allataat oqaaseqarfigisaqattaarsinnaallugu.

Ujarneqartoq pineqaatissinneqarsimasut inissiisarfiannit siornatigut marloriarluni qimaasimavoq, maannalu taajuutitaarnissaminik anguniagaqarpasippoq: Inissiisarfimmit qimaallammak.

Aasianni pineqaatissinneqarsimasut inissiisarfiannit siorna septembarimi qimaaqqaarpoq. Sapaatip akunnerani kingullermi, sisamanngornermi februaarip 14-ani aamma qimaavoq, aqagukkullu nammineerluni uterluni.

Jakob Karlsen politiit Facebookianni nammineerluni allappoq pineqaatissinneqarsimasut inissiisarfianni sulisunit ikiorneqarsimalluni. Allallunilu oqaaseqartarfimmi allami erseqqissaavoq nammineq ulorianarnani.

Aasiaat politiivisa suliami suli ujaasillutik, Sermitsiaq.AG-mut ilisimatitsipput.

- Ujaasineq suli ingerlanneqarpoq, Aasiaat Politivisa pisortaat, Mads Lynge Christiansen oqarpoq.

Jakob Karlsenip Facebookimini allatai upperissagaanni, politeeqarfiit illoqarfinni allaniittut qimaasumik aamma ujaasisariaqalerpasipput.

Jakob Karlsen nammineq Facebookimini allappoq maanna Aasianniinnani.

Jakob Karlsen, 27-nik ukiulik ima ilisarnaateqarnerarneqarpoq: ca. 175 cm, nalinginnaasumik timaa iluseqarpoq, nujai taartut naatsut, kalaallisut isikkulik. Atisarai kavaajaq qasertoq aamma qarliit koorput tungujuaartut.

Sumiinneranik ilisimannittut Aasianni Politiinut attaveqaqquneqarput uunga: tlf. 70 14 24.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER