Kangerlussuaq

Ujarneqartumut ilaqutaasut ikiuuttunut qujapput

Romeo Yat Wuip ujarneqarneranut inuit ikiuussimapput

Takornariaq Kiinameersoq Sisimiut aamma Kangerlussuup akornanni periarfeeruppoq

Romeo Yat Wui juulip 24-ani ujarneqalertup qatanngutai marluk Kiinameersut, inuit nammineq kajumissutiminnik takornariamut periarfeerunneqartumut ujaarleqataasunut qujapput.

Romeo Yat Wui kingullermik juulip 14-ani Sisimiunit Kangerlussuarmut pisunnermini takuneqarpoq.

Atuaruk: Takornariaq maqaasineqartoq

Qatanngutaasut marluk, Karen aamma Stephen, Sisimiunut tikimmata nammineerluni ujaasineq aallartinneqarpoq, taakku politiit ujaasiunnaarnerisa kingorna tassaniilerput.

Ujaasineq annertooq
- Taakku ilassineqarluarput, misiginneqatigineqarput aamma kommunip innuttaasuinit ikiorneqarput. Nammineq kajumissutsiminnik ujaasisoqarnerani ajoraluartumik iluatsitsisoqanngilaq, tassani Itinnermit Kangerlussuarmut kiisalu Tasersuaq silaannakkut, nunakkut aamma tatsit sinaasigut ujaarlerfigineqarput, Malene Ingemann ilaqutariit sinnerlugit tusagassiuutitigut nalunaarummi ilisimatitsivoq.

Aavariat
- Karenip aamma Stephenip maanna ujaasineq ingerlatiinnarnissaa ajornakusoortoq paasilerpaat. Soorunalimi tamatuminnga sunnerteqqasorujussuupput, kisianni aamma nalunngilaat aavariartut sumiiffimmi tamaniittut. Maannalu aavariat kisiisa aamma nammineq iliuuseqartut isumalluutigilerpaat, neriuutigaallu nassaarineqariataarsinnaasoq, ilanngullugu oqarpoq.

Powered by Labrador CMS