tusarniaaneq

Ujaqqanik pinnersaasianik uppernarsaasersuinerup tunisineq annertusissavaa

Ujaqqanik pinnersaasiassanik aamma ujaqqanik qiperukkanik Kalaallit Nunaanneersunik uppernarsaammik allagartaliisarnissaq pillugu pilersaarut tusarniaassutigineqartussanngorlugu maanna nassiunneqarpoq.

rubin

Taamaatut aaqqiissuteqartoqarnissaannik siunertaqarneq arlalinnik pissuteqarpoq, Aatsitassanut naalakkersuisoq Múte B. Egede, tusagassiuutinut nalunaarummi ilisimatitsivoq.

  • Ujaqqat tunisassiassat Kalaallit Nunaanneersut nittarsaanneqarnissaannut ataatsimoorfissaqalersitsinissamik periarfissaqalersitsissaaq.
  • Tamatuma saniatigut aaqqissuussami siunertaavoq, ujaqqap tunisassiap assaammik sanaajunera
  • Ujaqqat Kalaallit Nunaanni piiarneqarsimanerat suliarineqarsimanerallu, ujaqqap niuerutigineqarnerani ileqqorluttumik aningaasalersuisoqanngitsoq uppernarsarlugu allagartalerneqassaaq
  • Atuisumut paasiuminartuutitsinissaq toqqissisimatitsinissarlu qulakkeerneqassaaq, tamannalu tunisaqarnerulersitsillunilu akisunerulersitsisussaassaaq

- Naalakkersuisut nunaqavissut atugassarisaasa pitsaanerulersinneqarnissaaannut sinaakkutinik pitsanngorsaallutik sulipput. Ujaqqanik pinnersaasiassanut nunatsinneersunik uppernarsaammik allagartalersuinermut aaqqissuussineq ujaqqerituuniit inuussutissarsiortunut atugassarititaasut pitsaanerulernissaannik qulakkeerinneqataassaaq, naalakkersuisoq taama oqaaseqarpoq.

Tusarniaanermut peqataanissamik kissaateqaraanni akissuteqarniaraannilu qaammat naannginnerani nassiussisoqassaaq, e-mailimut uunga mmr@nanoq.gl

Powered by Labrador CMS