Skip to main content

Ujakkaarnermi nunanut allanut unammisartunut sungiusaasoq: Pitsaasut ikippallaarput

Arctic Winter Gameseqataasussaq ataaseq toqqarneqarpoq, kiisalu unammisaqattaarnerit aallarteqqinnissaannut nunanut allanut unammisartut marluk toqqarneqarlutik

Ujakkaarnermi nunanut allanut unammisartunut ingerlatsisut nalilersuereernermi kingorna naqissuserpaat, Kalaallit Nunaanni ujakkaartartut pitsaasut ikippallaartut. 

Nunanut allanut unammisartussatut NSP-mit Martin Møller aamma ASP-mit Karl-Peter Kristensen toqqarneqarput. Frederik Petersen B-holdimut toqqarneqarpoq. 

Nunatsinni pissartanngorniunnerni unammisartut arfineq pingasunit qulit tikillugit pissartanngornissamut unammisartuuppata pitsaanerpaassagaluartoq nunanut allanut unammisartut sungiusaasuat Øystein Slettemark oqarpoq. 

Pikkoritsut ikippallaartut
- Inersimasuni inuusuttunilu pikkorissut ikippallaaqaat. Allatut eqqarsartoqartariaqalerpoq. 

- Ujakkaartartut amerlasuut inuusuttuunerminni unittartut amerlavallaarput, tamanna allanngortinneqartariaqarpoq. Nunarpummi periarfissarpassuaqarpoq, Øystein Slettemark tusagassiutinut nalunaarummi oqarpoq. 

AWG-mut toqqarneqartoq ataasiinnaagallartoq
- Kalaallit Nunaanni inuusuttut ujakkaartarnerat annikilleriangaatsiarsimasoq GM-ertoqarnerani takuarput. AWG 2016-mut peqataasussatut naleqquttoq ataasiinnaagallarpoq, Øystein Slettemark oqarpoq. 

NSP-mit Bjarne Hansen Arctic Winter Gamesertoqarnissaanut Nuummi ingerlanneqartussami toqqarneqartutuaagallarpoq. 

Unammisartut allat AWG-mut peqataanissaminnut suli periarfissaqartut sungiusaasup oqaatigaa. 

Arctic Winter Gamesertoqarnissaanut suli peqataanissamut periarfissaqartut aamma toqqarneqarput. Toqqarneqartulli qaammatini qulingiluani tulliuttuni sungiusarnikkut takutitsilluartariaqartut Øystein Slettemarkip oqaatigaa. 

Arctic Winter Gamesimut peqataanissamut toqqarneqarsinnaasut:

Niviarsiaqqat: 

  • Anne Mette Noahsen (2001), NSP (AWG-mut peqataariaannaavoq) 
  • Hannah Olsen (1999), ISP (AWG-mut peqataariaannaavoq)
  • Nukarleq Jerimiassen (2000), ASP
  • Marita Schmidt (2001), ISP

Nukappiaqqat:

  • Minik N. Josefsen (2001), KS69 (AWG-mut peqataariaannaavoq)
  • Peter Johansen (2000), ASP
  • Mads Lyberth (2001), ASP
  • Kenn Mathæussen (2001), ISP
  • Kim Larsen (2000), ASP
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER