Ujajaasoqarnerata kingorna pasisat marluk tigusarineqartut
Pingasunngornerup unnuaani politiit Nuummi aqqusinermi ammaannartumi ujajaasoqarneranik nalunaarfigineqarput.
Unnuap qeqqariitsiartoq Nuummi angummut ujajaasoqarneranik Kalaallit Nunaanni Politiit nalunaarfigineqarput. Ujajaaneq illoqarfiup qeqqani aqqusinermi ammaannartumi pisoq, Kalaallit Nunaanni Politiini pigaartut pisortaat, Malik Olesen, ilisimatitsivoq.
Nalunaaruteqartoqarnerata kingorna suliamut atatillugu politiit inunnik marlunnik tigusarinnipput.
Misissuineq ingerlanneqarpoq, ullullu ingerlanerani tigusarineqartut taakku tigummineqarnissaat siunertaralugu tunngaviusumik inatsit malillugu killisiorneqassanersut politiit aalajangissapput.
Misissuineq eqqarsaatigalugu politiit maannamut suliaq pillugu ilisimatitseqqissinnaanngillat, pigaartut pisortaat oqaluttuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...